"Jalpyulttyq sotsial-demokratiialyq" partiiasynan (JSDP) prezidenttikke kandidat Nurlan Áýesbaev Ortalyq sailaý komissiiasyna tirkeý úshin qujattaryn tapsyrdy, - dep habarlaidy "Ult aqparat".
"2022 jylǵy 7 qazanda Qazaqstan Respýblikasynyń Ortalyq sailaý komissiiasyna "Qazaqstan Respýblikasyndaǵy sailaý týraly" Qazaqstan Respýblikasy Konstitýtsiialyq Zańynyń 54 jáne 55-baptaryna, sondai-aq "Qazaqstan Respýblikasy Prezidentiniń 2022 jylǵy 20 qarashaǵa taǵaiyndalǵan kezekten tys sailaýy boiynsha sailaý qujattarynyń nysandaryn belgileý týraly" Qazaqstan Respýblikasy Ortalyq sailaý komissiiasynyń 2022 jylǵy 23 qyrkúiektegi № 67/545 qaýlysyna sáikes Nurlan Satybaldyuly Áýesbaevtyń "Jalpyulttyq sotsial-demokratiialyq partiia" Respýblikalyq qoǵamdyq birlestiginen Qazaqstan Respýblikasynyń Prezidenttigine kandidat bolyp usynylǵany týraly qujattary tapsyryldy", - delingen habarlamada.
Sputnik Qazaqstan agenttiginiń jazýynsha, oppozitsiiadan prezidenttikke úmitker jýrnalisterge suhbat berdi. "Sailaýda qansha paiyz daýys jinaýdy josparlap otyrsyz" degen suraqqa Nurlan Áýesbaev "ony ýaqyt kórsetedi" dep jaýap bergen.
"Táýir daýys jinaimyz, halyq bizdi qoldaidy dep oilaimyn. Biz jeńiske jetetinimizge senimdimiz", - deidi ol.
Sondai-aq, Áýesbaev prezidenttikke jemqorlyqpen jáne oligarhiiamen kúresý úshin bara jatqanyn, saiasat pen ekonomikada áleýmettik ádilettilikti jaqtaitynyn aitqan.
Oppozitsiianyń prezidenttikke kandidatty usynǵany 1 qazanda belgili boldy. Sol kezde JSDP-nyń kezekten tys sezinde partiia músheleriniń aldaǵy sailaýǵa Nurlan Áýesbaevtyń kandidatýrasyn qoldaǵany habarlandy.
Eske sala keteiik, Qazaqstanda kezekten tys prezident sailaýy 20 qarashaǵa belgilengen.
