Oppozitsiialyq Jalpyulttyq sotsial-demokratiialyq partiiasy (JSDP) Qazaqstan biligin zańdarǵa engizilgen azamattardy ýaqytsha tirkeýge turýdy mindetteitin jańa talaptardy joiyp, kóshi-qon máselelerin yqtiiatty túrde sheshýdi talap etti, dep habarlaidy "Ult aqparat" Azattyqqa silteme jasap.
Partiia 10 qańtarda taratqan málimdemesinde kóshi-qon zańdaryna azamattardy ýaqytsha mekenjaiy boiynsha tirkeýge turýdy mindetteitin ózgerister esh daiyndyqsyz, asyǵys jáne múldem josyqsyz engizildi dep sanaidy.
Partiia kóshi-qon ózgeristeri Qazaqstan konstitýtsiiasynyń 21-baby men Azamattardyń saiasi jáne azamattyq bostandyǵyna kepildik beretin halyqaralyq paktige áser etip otyr deidi.
"Asyǵystyq saldarynan halyqqa qyzmet kórsetý ortalyqtarynda halyq yǵy-jyǵy bolyp, politsiia qyzmetkerleri men sheneýnikter biliksizdigin kórsetti" degen JSDP úkimet pen parlament ýaqytsha tirkeý týraly sheshimdi muqiiat oilanbai, jaýapkershiliksiz qabyldaǵan dep sanaidy.
JSDP tirkeý máselesi aýyl sharýashylyǵyn damytý jáne jańa jumys oryndaryn ashý, Qazaqstannyń kez-kelgen jerinde laiyqty ómir súrýge múmkindik berý arqyly sheshilýi kerek deidi.
Qańtardyń basynda Qazaqstanda azamattardy ýaqytsha mekenjaiy boiynsha tirkeý týraly kóshi-qon zańdaryna engizilgen túzetýler kúshine engen. Endi turǵylyqty jerinen tysqary jaqqa bir aidan asatyn merzimge barǵan ár qazaqstandyq memlekettik baj salyǵy retinde 227 teńge tólep ári halyqqa qyzmet kórsetý ortalyǵyna baryp ýaqytsha mekenjaiy boiynsha tirkeýge turýy tiis. Bul talap qonaqúide turyp, ózge qalada jumys isteitin adamdarǵa da, ózge qaladaǵy aýrýhanada jatyp uzaq emdeletin adamdarǵa da qatysty. Alǵashqylaryn qonaqúi ornalasqan mekenjai, al ekinshilerin emdeletin orny boiynsha tirkeidi. Bul talapty oryndamaǵandarǵa jeti AEK (ailyq eseptik kórsetkish) kóleminde, iaǵni 16 myń teńge aiyppul salynady.
