El boiynsha 1,5 mln adam koronaviýrsqa qarsy vaktsinanyń úshinshi dozasyn alǵan. Bul týraly QR Densaýlyq saqtaý ministri Ajar Ǵiniiat Úkimet otyrysynda málim etti, habarlaidy QazAqparat.
«Qazirgi ýaqytta búkil respýblika boiynsha A tumaýy virýsynyń ainalymy baiqalady. Laboratoriialyq deńgeide barlyǵy 500-den astam tumaý jaǵdaiy anyqtaldy.
2019 jylǵy epidemiologiialyq maýsymmen salystyrǵanda syrqattaný 1,2 esege ósti. Sońǵy aptada syrqattanýdyń joǵary deńgeii saqtalyp, balalar arasynda 13% ósti», - dedi ol.
Aitýynsha, oflain oqytýǵa kóshken balalardyń KVI jáne JRVI-men syrqattanýdyń joǵary qaýpi saqtalyp otyr.
«JRVI-men aýyrǵandardyń 50%-ǵa jýyǵy balalar ekenin eskere otyryp, aýmaqtardyń ákimderi tárbie jáne bilim berý uiymdarynda profilaktikalyq sharalardyń saqtalýyna jáne ýaqtyly meditsinalyq kómek kórsetýge nazar aýdarýy qajet.
KVI boiynsha epidemiologiialyq jaǵdai Ministrliktiń turaqty baqylaýynda. Eldegi epidemiologiialyq jaǵdaidy turaqtandyrý úshin vaktsinatsiialaýdy, revaktsinatsiialaýdy jáne maska taǵý, áleýmettik qashyqtyqty saqtaý, halyq kóp jinalatyn oryndarǵa barýdy boldyrmaý siiaqty profilaktikalyq sharalardy saqtaýdy jalǵastyrý qajet.
Árqaisymyzdyń osy sharalardy oryndaýǵa degen umtylysymyz bárimizge aýrýdyń damýyn basqarýǵa jáne pessimistik stsenariidiń oryndalýyna jol bermeýge múmkindik beredi», - dedi Ajar Ǵiniiat.
