18 qańtardan bastap joǵary oqý oryndarynda qai kýrs stýdentteri dástúrli formatta oqidy? Bul suraqqa Ortalyq kommýnikatsiialar qyzmetinde ótken baspasóz máslihatynda QR Bilim jáne ǵylym vitse-ministri Miras Dáýlenov jaýap berdi, dep habarlaidy "Ult aqparat".
«Qazirgi tańda Qazaqstanda 128 joǵary oqý orny jumys isteidi. Bilim alýshylardyń kontingenti – 619 861 adamdy quraidy. Ózderińiz biletindei, 2020 jylǵy qyrkúiek aiynda koronavirýs pandemiiasyna bailanysty joǵary oqý oryndarynda oqytý protsesi qashyqtan jáne aralas formatta bastaldy. Bul úshin JOO-lar qajetti tsifrlyq infraqurylymmen jabdyqtaý boiynsha jumys júrgizdi», - dedi Miras Dáýlenov.
Onyń aitýynsha osy jyldyń 18 qańtarynan bastap 1 kýrs stýdentteri kóbinese dástúrli formatta oqi bastaidy.
«Naqtyraq aitqanda, lektsiialar onlain formatta uiymdastyrylady. Al seminarlar, zerthanalyq jáne praktikalyq oqýlar dástúrli formatta oqidy. 2, 3, 4-inshi kýrs stýdentteri úshin oqý formaty burynǵysha qalady. Joǵary oqý oryndary osy formatta stýdentterdi qabyldaýǵa daiyn», - deidi ol.
