Kolledj jáne JOO basshylyǵy stýdentterge beibit sherý, ereýilderge qatysýǵa tyiym salýy múmkin be? Bul suraqqa QR Bilim jáne ǵylym ministrligi joǵary jáne joǵary oqý ornynan keiingi bilim departamenti direktory Ádilet Toibaev jaýap berdi, dep habarlaidy QazAqparat.
«Shyndyǵyn aitqanda, stýdentterge tyiym salý týraly bizde eshqandai aqparat joq. Joǵary oqý oryndary ondai jumys júrgizgen emes. Ýniversitet basshylyǵy tarapynan stýdentterge qysym kórsetý týraly fakti bolǵan emes. Taǵy qaitalap aitqym keledi, elde bolǵan jappai tártipsizdik kezinde stýdentter kanikýlda boldy. Jataqhanalarda az ǵana stýdentter qaldy. Onyń ózi - shetel stýdentteri. Eger naqty jaǵdai oryn alǵan bolsa, biz ony tekseremiz», - dedi Ádilet Toibaev OKQ-de onlain ótken baspasóz máslihatynda.
Onyń aitýynsha, joǵary oqý oryndarynda stýdentterdiń beibit sherýge qatysýǵa tyiym salýǵa qatysty eshqandai shara ótken joq.
