BIZGE BASQA "PATRIOTIZMNIŃ" QAJETI JOQ.....
Ártúrli alypqashpa áńgimeler aitylyp júrgen "úshtuǵyrly til" saiasatynyń barlyǵymyz qalaityn basqa qyryna úńilip kóreiikshi.
Bizdiń qazaq qoǵamynyń biliktegilerge senýden qalǵany sonshalyq, ultsyzdyqqa urynǵan tolyp jatqan shiki reformalarǵa úmitpen emes, taǵy ne búldirer eken degen kúdikpen qaraityn bolyp alǵan. Eger Qazaqstannyń saiasi jaǵdaiy tym kúrdeli, kez-kelgen bastamany Reseipen "kelisip pishetindei" kúide tursa da, sheneýnikterimiz ár nárseni ultyna barynsha (maksimým) paidaly etip sheshýge tyrysýy tiis edi.
Ókinishke qarai, bizde bári kerisinshe bolyp jatyr. Bul jerde Kremlmen kindigi bailanyp qalǵan biliktegilerdiń bos jaltaqtyǵy men quldyq psihologiiasy kózge uryp turǵanymen, ózimniń osyndai túpki maqsatyn el túsinbeitin birtúrli reformalardyń ekinshi qyryna úńilýge tyrysatyn ádetim bar. "Úshtuǵyrly til" saiasaty eń alǵash jurttyń talqysyna usynǵan kezde onyń astarynda orys tilin birte-birte qoldanystan shyǵaryp, onyń ornyn alternativa siiaqtanǵan aǵylshyn tilimen almastyrýdy kózdeitin jospar jatqandai kóringen.
Sebebi, orys tilin qoǵam ómirinen birden alyp tastaýǵa orystar emes, máńgúrttengen qazaqtardyń ózi birinshi bolyp qarsy shyǵady. Orystar únemi solardy qoldap qana otyrady. Eger olar qarsy bolmasa, basqa otandastarymyz mundai reformalarǵa túsinistikpen qarar edi. Átteń, bári men oilaǵandai bolsa ǵoi, shirkin! Keiin bul reformanyń da ultsyzdanǵan ideologiiamen ýlanǵan ministrlerdiń kezekti shatpaǵynyń biri ekenine kózim jete bastady. Jaraidy, barlyǵy men oilaǵandai bolsyn deiik. Eger bul reformalar týra osyndai jaqsy josparmen jasalǵanda, ony qoldai ketýge halyq daiyn ba? Qalai qoldaýy kerek?
Ol úshin ózin qazaq sanaityn arly azamattardyń barlyǵy balasyn qazaq mektebi men qazaq balabaqshasyna berip, qoǵamda qazaqylandyrý protsesine degen "qajettilik" týdyrýy tiis eken. Sonda orys mektepteri men balabaqshalary bosap qalyp, keiin olardyń kóbi qazaq mektebi bolyp qaita ashyla bastaidy... Kinániń bárin ózimizden izdeý kerek...
Aitpaqshy, ultsyzdanǵan sheneýnikter degende esime túsip otyr. Evropada "oryssha jazatyn qazaq jazýshysy" degen dúbára túrkesti túsinbeidi. Qazaqstannyń osyndai birer qalamgeri týraly sóz qozǵalǵanda, álgi evropalyqtar: "Onda olar qazaq jazýshysy emes, orys jazýshysy boldy ǵoi!" degen eken. Mine, logika! Qai ulttyń tilinde sóileitin bolsań, báribir sol ulttyń dúnietanymy men bolmysynan asyp kete almaisyń.
Orysqa tigen qazaq qyzynyń da qazaq qyzy bolýdan qalyp, orys atanyp shyǵa keledi dep júrgenim sodan. Óitkeni, qai ulttyń balasyna ana bolsań, óziń de sol ulttan bolyp sanalasyń. Oryssha sóileitin qazaq ultshyly (patrioty) degen uǵym da dál osy sekildi quldyq psihologiiadan týǵan dúbára tirkes ekenin uǵatyn ýaqyt týdy, aǵaiyn..... Qazaqtyń patrioty qazaqsha oilap, qazaqsha ǵana sóileýi tiis!
Jolymbet Mákishtiń feisbýktegi jazbasynan
