Ótken jyly joldardy kútip ustaýǵa jaýapty 3 myńǵa jýyq laýazymdy tulǵa jaýapqa tartyldy. Bul týraly QR Ishki ister ministrliginiń ákimshilik politsiia komiteti tóraǵasynyń orynbasary Serik Túsipov aitty, dep habarlaidy QazAqparat.
«Jaiaý júrginshilerdiń qaýipsizdigi máselesi de ótkir tur. Elimizdegi árbir úshinshi jol-kólik oqiǵasy, árbir tórtinshi ólim-jitim men jaraqattaný - solardyń úlesine tiesili. Buǵan qosa, jaiaý júrginshilerdiń tártibine qatysty da problema bar. 2020 jyly jol júrisi erejesin buzǵan 200 myńnan astam jaiaý júrginshi anyqtaldy», - dedi ol ministrliktiń baspasóz qyzmeti alańynda ótken brifing barysynda.
Onyń aitýynsha, álemdik tájiribe jaiaý júrginshilerdiń laiyqty qaýipsizdigin damyǵan júrginshiler infraqurylymy ǵana qamtamasyz ete alady.
Osyǵan orai ótken jyly jol inspektsiiasynyń bólimsheleri shamamen 500 myń shaqyrymdy qamtityn avtomobil joldarynda 25 myń zertteý júrgizdi.
«Zertteý el joldaryna qosymsha 23 myńnan astam jol belgisin ornatý qajettigin kórsetti. Jol júrisi qaýipsizdigine teris áser etetin 57,5 myń jol infraqurylymyndaǵy aqaý anyqtaldy. Qyzmetkerlerimiz olardy joiý úshin 25 myńnan astam uiǵarym shyǵaryp, joldy kútip ustaýǵa jaýapty shamamen 3 myń laýazymdy tulǵa jaýapqa tartyldy», - dedi Serik Túsipov.
