Memleket basshysy Nursultan Nazarbaev Qazaqstan halqyna arnalǵan Joldaýynda bilim men ǵylymǵa qarjylandyrýdy arttyrýdy tapsyrdy, dep habarlaidy QazAqparat tilshisi.
«Bes jyldyń barysynda bilimge, ǵylymǵa jáne densaýlyq saqtaýǵa arnalǵan shyǵystardy barlyq kózderden eldiń Jalpy ishki óniminiń 10 paiyzyna deiin jetkizý kerek. Ásirese, bizde ǵylym aqsap tur. Sondyqtan tiisti qadamdardy iske asyryp, belgilengen maqsatqa qol jetkizeiik», - dedi Prezident.
Osy oraida N. Nazarbaev bul baǵytta Ekonomikalyq yntymaqtastyq jáne damý uiymy elderi tiisti basymdyqtardy qoiyp otyrǵanyn eske salyp ótti.
«Qarjylandyrýdy belgilengen reformalardy júzege asyrýǵa baǵyttaý kerek. Olar halyqqa qyzmet kórsetý sapasyn eleýli túrde arttyrýdy qamtamasyz etedi. Úkimet árbir salany aiqyndaýy tiis», - dedi Elbasy.
Aita keteiik, QR Prezidenti Nursultan Nazarbaev osy ýaqytta Aqordada Qazaqstan halqyna Joldaýyn jariialaýda.Strategiialyq qujat elimizdiń áleýmettik-ekonomikalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.
.jpeg)