Belgili jýrnalist, jazýshy, QR Parlamenti Májilisiniń eks-depýtaty, Soltústik Qazaqstan oblysynyń Qurmetti azamaty, «Qyzyljar-Aqparat» JShS direktory Jarasbai Súleimenov Prezident Qasym-Jomart Toqaevtyń jańa Joldaýyna qatysty pikirin bildirdi, dep habarlaidy QazAqparat.
Jarasbai Súleimenovtiń aitýynsha, elimiz Táýelsizdik alǵannan beri Memleket basshysynyń jyl saiyn halyqqa Joldaý arnaýy dástúrimizge berik engen. Ótetin aiy, ýaqyty, saǵatyna deiin aldyn ala habarlanǵandyqtan, kópshilik Joldaýdy asyǵa kútedi. Bul joly qandai máseleler kóteriledi. Prezident halyqqa qandai jaqsylyqtar usynady eken dep eleńdeidi. Shamamen 1,5 saǵatqa sozylǵan Prezidenttiń sózin tyńdaǵan belgili jýrnalist úmitiniń aqtalǵanyn aitady.
«Biylǵy Joldaýdyń júgi tym salmaqty. Kóterilgen máseleler óte ózekti, qazirgi qalyptasyp otyrǵan kúrdeli jaǵdaiǵa bailanysty kezegin kútip turǵan mindetter jan-jaqty qamtylǵan. Meni erekshe qýanyshqa bólegen bir jai – Joldaýdyń júrekten shyqqany. «Men azamattarymyzdyń erteń emes, búgin baqytty ómir súrgenin qalaimyn. Osy turaqsyz qubylmaly álemde Qazaqstanymyz bizden basqa eshkimge kerek emes. Sondyqtan maǵan elimniń amandyǵy men jerimniń tutastyǵynan asqan eshbir qundylyq joq. Qyzmetime túrli adamdardyń beretin baǵasynan góri, memleketimizdi qorǵap qalý men úshin asa mańyzdy mindet. Osy jolda jaýapkershiliktiń barlyǵyn moinyma alýǵa daiynmyn» dedi Prezident aǵynan jarylyp. Júrekten shyqqan sóz júrekke jetse eken dep tileimin», - deidi Jarasbai Súleimenov.
Joldaý barysynda Qasym-Jomart Toqaev buqaralyq aqparat quraldarynyń róline de toqtaldy. Jarasbai Qabdollaulynyń aitýynsha, dál qazirgi ýaqytta BAQ-qa úlken jaýapkershilik artylǵan.
«Memleket basshysynyń «buqaralyq aqparat quraldary básekege qabiletti jáne erkin bolý kerek. Bul qaǵidat qazir kez-kelgen órkenietti el úshin asa mańyzdy. Otandyq aqparat quraldarynyń óńirde, Qazaqstanda jáne álemde bolyp jatqan úderister týraly óz kózqarasy bolýǵa tiis. Elimizdiń aqparattyq qaýipsizdigi, tipti, ideologiialyq derbestigi osyǵan tikelei bailanysty» degen sózderi de maǵan erekshe unady. Qasym-Jomart Kemelulynyń jýrnalister ózderine jáne azamattarǵa shynaiy janashyr bolýǵa tiis, BAQ bekerden-beker tórtinshi bilik atanbasa kerek, sol sebepti sizder jurttyń sanasy men sezimine yqpal etý máselesine muqiiat qaraǵandaryńyz jón degen sózderi de erekshe áser etti. Osyǵan orai myna máselege nazar aýdarǵym keledi:
Prezident almaǵaiyp zamanda aldymyzda turǵan mindetterdi aiqyndap berdi. Sóz joq, elimizdiń bolashaǵy, halqymyzdyń taǵdyry osy máselelerdiń qalai sheshiletinine tikelei bailanysty. Demek, alda turǵan mindetterdi júzege asyrýǵa halyq bolyp jumylýymyz kerek. Ol úshin Joldaýdy nasihattaýǵa jańa kózqaras qajet. Aitylǵan sóz jerde qalmai, qoǵamnyń ár múshesiniń sanasyna tereń sińirilse ǵana biz óz maqsatymyzǵa jetemiz. «Jańa Qazaqstandy» tezirek qurý úshin bizge sóz emes, naqty is kerek. Olai bolsa, aǵaiyn, búgingidei kúrdeli kezeńde berekesiz isterden bas tartyp, memleket basshysynyń tóńiregine toptasaiyq, ortaq mindetterdi sheshýge el bolyp jumylaiyq», - deidi Jarasbai Súleimenov.
