بەلگٸلٸ جۋرناليست, جازۋشى, قر پارلامەنتٸ مەجٸلٸسٸنٸڭ ەكس-دەپۋتاتى, سولتٷستٸك قازاقستان وبلىسىنىڭ قۇرمەتتٸ ازاماتى, «قىزىلجار-اقپارات» جشس ديرەكتورى جاراسباي سٷلەيمەنوۆ پرەزيدەنت قاسىم-جومارت توقاەۆتىڭ جاڭا جولداۋىنا قاتىستى پٸكٸرٸن بٸلدٸردٸ, دەپ حابارلايدى قازاقپارات.
جاراسباي سٷلەيمەنوۆتٸڭ ايتۋىنشا, ەلٸمٸز تەۋەلسٸزدٸك العاننان بەرٸ مەملەكەت باسشىسىنىڭ جىل سايىن حالىققا جولداۋ ارناۋى دەستٷرٸمٸزگە بەرٸك ەنگەن. ٶتەتٸن ايى, ۋاقىتى, ساعاتىنا دەيٸن الدىن الا حابارلانعاندىقتان, كٶپشٸلٸك جولداۋدى اسىعا كٷتەدٸ. بۇل جولى قانداي مەسەلەلەر كٶتەرٸلەدٸ. پرەزيدەنت حالىققا قانداي جاقسىلىقتار ۇسىنادى ەكەن دەپ ەلەڭدەيدٸ. شامامەن 1,5 ساعاتقا سوزىلعان پرەزيدەنتتٸڭ سٶزٸن تىڭداعان بەلگٸلٸ جۋرناليست ٷمٸتٸنٸڭ اقتالعانىن ايتادى.
«بيىلعى جولداۋدىڭ جٷگٸ تىم سالماقتى. كٶتەرٸلگەن مەسەلەلەر ٶتە ٶزەكتٸ, قازٸرگٸ قالىپتاسىپ وتىرعان كٷردەلٸ جاعدايعا بايلانىستى كەزەگٸن كٷتٸپ تۇرعان مٸندەتتەر جان-جاقتى قامتىلعان. مەنٸ ەرەكشە قۋانىشقا بٶلەگەن بٸر جاي – جولداۋدىڭ جٷرەكتەن شىققانى. «مەن ازاماتتارىمىزدىڭ ەرتەڭ ەمەس, بٷگٸن باقىتتى ٶمٸر سٷرگەنٸن قالايمىن. وسى تۇراقسىز قۇبىلمالى ەلەمدە قازاقستانىمىز بٸزدەن باسقا ەشكٸمگە كەرەك ەمەس. سوندىقتان ماعان ەلٸمنٸڭ اماندىعى مەن جەرٸمنٸڭ تۇتاستىعىنان اسقان ەشبٸر قۇندىلىق جوق. قىزمەتٸمە تٷرلٸ ادامداردىڭ بەرەتٸن باعاسىنان گٶرٸ, مەملەكەتٸمٸزدٸ قورعاپ قالۋ مەن ٷشٸن اسا ماڭىزدى مٸندەت. وسى جولدا جاۋاپكەرشٸلٸكتٸڭ بارلىعىن موينىما الۋعا دايىنمىن» دەدٸ پرەزيدەنت اعىنان جارىلىپ. جٷرەكتەن شىققان سٶز جٷرەككە جەتسە ەكەن دەپ تٸلەيمٸن», - دەيدٸ جاراسباي سٷلەيمەنوۆ.
جولداۋ بارىسىندا قاسىم-جومارت توقاەۆ بۇقارالىق اقپارات قۇرالدارىنىڭ رٶلٸنە دە توقتالدى. جاراسباي قابدوللاۇلىنىڭ ايتۋىنشا, دەل قازٸرگٸ ۋاقىتتا باق-قا ٷلكەن جاۋاپكەرشٸلٸك ارتىلعان.
«مەملەكەت باسشىسىنىڭ «بۇقارالىق اقپارات قۇرالدارى بەسەكەگە قابٸلەتتٸ جەنە ەركٸن بولۋ كەرەك. بۇل قاعيدات قازٸر كەز-كەلگەن ٶركەنيەتتٸ ەل ٷشٸن اسا ماڭىزدى. وتاندىق اقپارات قۇرالدارىنىڭ ٶڭٸردە, قازاقستاندا جەنە ەلەمدە بولىپ جاتقان ٷدەرٸستەر تۋرالى ٶز كٶزقاراسى بولۋعا تيٸس. ەلٸمٸزدٸڭ اقپاراتتىق قاۋٸپسٸزدٸگٸ, تٸپتٸ, يدەولوگييالىق دەربەستٸگٸ وسىعان تٸكەلەي بايلانىستى» دەگەن سٶزدەرٸ دە ماعان ەرەكشە ۇنادى. قاسىم-جومارت كەمەلۇلىنىڭ جۋرناليستەر ٶزدەرٸنە جەنە ازاماتتارعا شىنايى جاناشىر بولۋعا تيٸس, باق بەكەردەن-بەكەر تٶرتٸنشٸ بيلٸك اتانباسا كەرەك, سول سەبەپتٸ سٸزدەر جۇرتتىڭ ساناسى مەن سەزٸمٸنە ىقپال ەتۋ مەسەلەسٸنە مۇقييات قاراعاندارىڭىز جٶن دەگەن سٶزدەرٸ دە ەرەكشە ەسەر ەتتٸ. وسىعان وراي مىنا مەسەلەگە نازار اۋدارعىم كەلەدٸ:
پرەزيدەنت الماعايىپ زاماندا الدىمىزدا تۇرعان مٸندەتتەردٸ ايقىنداپ بەردٸ. سٶز جوق, ەلٸمٸزدٸڭ بولاشاعى, حالقىمىزدىڭ تاعدىرى وسى مەسەلەلەردٸڭ قالاي شەشٸلەتٸنٸنە تٸكەلەي بايلانىستى. دەمەك, الدا تۇرعان مٸندەتتەردٸ جٷزەگە اسىرۋعا حالىق بولىپ جۇمىلۋىمىز كەرەك. ول ٷشٸن جولداۋدى ناسيحاتتاۋعا جاڭا كٶزقاراس قاجەت. ايتىلعان سٶز جەردە قالماي, قوعامنىڭ ەر مٷشەسٸنٸڭ ساناسىنا تەرەڭ سٸڭٸرٸلسە عانا بٸز ٶز ماقساتىمىزعا جەتەمٸز. «جاڭا قازاقستاندى» تەزٸرەك قۇرۋ ٷشٸن بٸزگە سٶز ەمەس, ناقتى ٸس كەرەك. ولاي بولسا, اعايىن, بٷگٸنگٸدەي كٷردەلٸ كەزەڭدە بەرەكەسٸز ٸستەردەن باس تارتىپ, مەملەكەت باسشىسىنىڭ تٶڭٸرەگٸنە توپتاسايىق, ورتاق مٸندەتتەردٸ شەشۋگە ەل بولىپ جۇمىلايىق», - دەيدٸ جاراسباي سٷلەيمەنوۆ.
