Elimizde zańsyz jumys isteitin qoǵamdyq kólikter men taksi qyzmeti baqylaýǵa alynady. Bul týraly QR IIM ókili Shuǵyla Turlybek málim etti, dep habarlaidy QazAqparat.
«Ishki ister ministrligi búginnen bastap el aýmaǵynda «Avtobýs» jedel profilaktikalyq sharasyn ótkizip jatyr. Maqsat – jolda júrý qaýipsizdigin taǵy bir eske salý. Shara barysynda qoǵamdyq kólikterdiń tehnikalyq jaǵdaiy tekseriledi. Sondai-aq, qoǵamdyq kólik júrgizýshilerdiń qujaty talapqa sai bolýy da baqylaýǵa alynady», - dedi Shuǵyla Turlybek ministrlikte onlain ótken baspasóz máslihatynda.
Onyń aitýynsha, qoǵamdyq kólik júrgizýshilerdiń jumysynyń eńbek kodeksine sai júrýi de tekseriske alynady.
«Avtobýs júrgizýshilerdiń densaýlyq jaǵdaiy men meditsinalyq turǵydan jumysqa jaramdylyǵy máselesine mán berilmek. Odan bólek, jolaýshylardy zańsyz tasityn qoǵamdyq kólikter men taksi qyzmetine qatysty da jedel profilaktikalyq sharasy ótedi», - deidi ol.
