Ushaqpen ushatyn jolaýshylarǵa qoiylatyn basty talap – COVID-9 juqtyrmaǵany týraly anyqtamanyń bolýy. Bul týraly Kóliktegi bas memlekettik sanitarlyq dáriger Sádýaqas Baiǵabylov aitty, dep habarlaidy QazAqparat.
«Nur-Sultan jáne Almaty qalalarynda ishki áýereisterdi qaita iske qosqan soń sanitarlyq-karantindik baqylaýdy kúsheitýge qatysty negizgi talaptarǵa toqtalyp óteiin. Jolaýshylarǵa qoiylatyn basty talap – COVID-9 juqtyrmaǵany týraly anyqtamanyń bolýy. Taǵy bir talap – jolaýshylar ushaq ishinde ara qashyqtyq saqtap, iaǵni araǵa bir oryndyq qaldyryp otyrýlary kerek. Úshinshiden, ushaqta ár jolaýshy meditsinalyq maska kiip otyrýǵa mindetti. Tórtinshiden, ushaq bortynda dezinfektsiia jasaý sharalary kúsheitiledi», - deidi Sádýaqas Baiǵabylov onlain brifingte.
Onyń aitýynsha, ushyp kelgen jolaýshylar karantinge jatqyzylmaidy.
«Ushaq ishinde jolaýshylar anketa toltyrady. Ushaq qonǵan soń anketa áýejaidaǵy sanitarlyq-karantindik pýnkke beriledi. Ushaqtan túskennen keiin bailanyssyz termoteriia siiaqty qosymsha sharalar jasalady. Bul sharalar jolaýshy ózin jaisyz sezingen jaǵdaida kerekti statsionarǵa aparyp, diagnoz qoiyp, qysqa merzim ishinde kimdermen bailanysta bolǵanyn anyqtap, tiisti sharalar qoldaný úshin kerek», - Kóliktegi bas sanitarlyq dáriger.
