«Jolaýshylar tasymaly» AQ elektrondy bilet satýdy jetildirý maqsatynda Android platformasynda jol júrý qujattary satylatyn «QTJ biletteri» mobildi qosymshasyn iske qosady, dep habarlaidy "Ult aqparat" kompaniianyń baspasóz qyzmetine silteme jasap.
«Osy qosymsha fýnktsionaly «bilet.railways.kz» saitymen birdei jáne «Kútý paraǵy» qyzmeti saqtalady. Qosymshany Play Market-te myna silteme arqyly júktep alýǵa bolady (QTJ biletteri).
Qosymsha testilik rejimde jumys isteidi, interfeis jáne fýnktsionalǵa qatysty usynysty clpp2012@mail.ru poshtada joldaý kerek», delingen habarlamada.
Ulttyq tasymaldaýshy jol júrý qujattaryn (biletterdi) internet-resýrsta resimdeýge bolatynyn eske salady. bilet.railways.kz nemese bilet kassasy, bógde internet-saittar, ózine-ózi qyzmet kórsetý avtomattary («QIWI» jáne «Kassa-24» saýda markalarymen) arqyly nemese poshta bólimsheleriniń qyzmetterin paidalanýǵa, oryn bolmaǵan jaǵdaida, poiyz jóneltilgenge deiin 7 táýlik buryn «Kútý paraǵy» qyzmetin tegin paidalanýǵa bolady.
«Azamatardy bilet satyp alǵanda bógde adamnyń kúmándi qyzmetin paidalanbaýǵa, al biletterdi zańsyz satý faktisi anyqtalǵan kezde belsendi azamattyq ustanym tanytyp, qyzmetkerleri turaqty negizde vokzal keshenderinde ornalasqan QR IIM kóliktegi politsiia departamentiniń Jelilik politsiia bólimderine júginýge shaqyramyz», delingen habarlamada.
Kompaniia qyzmetkerleriniń zańsyz áreketteriniń kýási bolǵan jaǵdaida «Jolaýshylar tasymaly» AQ Bas direktorynyń blogyna beinematerialdy qosa otyryp, aqparat jiberýdi suraimyz.
