Foto: ashyq derekkóz
Beiimbet Mailin aýdanynda avtomobil joldaryn jóndeý barysynda jiberilgen zańbuzýshylyqtar joiylyp, memleket biýdjetine 35,6 mln teńge qaitaryldy, dep habarlaidy Ult.kz.
Aýdan prokýratýrasy júrgizgen taldaý nátijesinde jalpy quny 1,9 mlrd teńgeni quraityn 8 jol ýchaskesi boiynsha jasalǵan memlekettik satyp alý sharttarynda kepildik merzimderi kórsetilmegeni belgili boldy. Bul jaǵdai merdigerlerdiń oryndalǵan jumystardyń sapasyna jaýapkershilik almaýyna ákelýi múmkin edi.
Sonymen qatar, quny 720 mln teńge bolatyn jol ýchaskesin jóndeý barysynda merdiger tarapynan merzimderdiń buzylǵany anyqtalǵanymen, oǵan qatysty tiisti sharalar ýaqytyly qabyldanbaǵan.
Prokýrorlyq qadaǵalaý aktisiniń nátijesinde barlyq anyqtalǵan zańbuzýshylyqtar joiyldy. Memlekettik satyp alý sharttaryna qosymsha kelisimder engizilip, úsh jyldyq kepildik mindettemeler bekitildi. Sondai-aq biýdjetke 35,6 mln teńge kóleminde aiyppul óndirilip qaitaryldy.
Qadaǵalaý organdary memlekettik satyp alý jáne jol jóndeý salasyndaǵy baqylaý jumystarynyń jalǵasatynyn málimdedi.
