QR Tótenshe jaǵdailar ministri Iýrii Ilin jolǵa shyǵatyn azamattarǵa joldardyń jabylýy týraly habarlamalarǵa qulaq asýdy eskertti, dep habarlaidy QazAqparat.
Qazirgi ýaqytta aýa raiynyń nasharlaýyna bailanysty úsh óńirde – Almaty, Aqtóbe jáne Shyǵys Qazaqstan oblystaryndaǵy jol ýchaskeleri jabyldy. 2 naýryzdaǵy jaǵdai boiynsha toǵyz aimaqta daýyldy eskertý jariialanǵan.
«Ótken aptada aýa raiy nasharlady, kóptegen joldar jabyldy. Qazirgi ýaqytta toǵyz aimaq boiynsha daýyl týraly eskertý aldyq. Úsh aimaqta jol ýchaskeleri jabyldy. Sondyqtan, azamattardyń joldyń jabylǵany týraly aldyn ala jiberilgen eskertýdi elemei, respýblikalyq jáne oblystyq mańyzy bar joldarǵa ornatylǵan blokposttardy ainalyp ótýge tyryspaýyn aitqym keledi. Qysqy kezeń kúntizbelik túrde aiaqtaldy, biraq meteojaǵdailar Qazaqstannyń ortalyq bóliginde mol jaýyn-shashyn jaýatyn jáne jel jyldamdyǵy artatyn jańa tsiklon kele jatqanyn kórsetedi. Tiisinshe, bul qardyń kóptep túsýine jáne TJ paida bolýyna ákep soǵýy múmkin», - dedi ministr Ortalyq kommýnikatsiialar qyzmetinde ótken brifingte.
Ministrdiń aitýynsha, qys mezgiliniń basynan beri Qazaqstan aýmaǵynda myńnan astam daýyldy eskertý jariialanǵan, avtojol ýchaskeleri (onyń ishinde respýblikalyq jáne oblystyq) 680-nen astam ret jabylǵan, júk jáne jolaýshylar avtokólikteriniń qozǵalysy 230-dan astam ret shektelgen.
«1242 adam qutqarylyp, evakýatsiialandy. Ol úshin 90-nan astam jylytý pýnkti iske qosylyp, 400-den astam tehnika qar qursaýynan shyǵaryldy, avariialyq-qutqarý jumystaryna 5 myńnan astam adam men myń tehnika jumyldyryldy», - deidi Ilin.
