قر تٶتەنشە جاعدايلار مينيسترٸ يۋريي يلين جولعا شىعاتىن ازاماتتارعا جولداردىڭ جابىلۋى تۋرالى حابارلامالارعا قۇلاق اسۋدى ەسكەرتتٸ, دەپ حابارلايدى قازاقپارات.
قازٸرگٸ ۋاقىتتا اۋا رايىنىڭ ناشارلاۋىنا بايلانىستى ٷش ٶڭٸردە – الماتى, اقتٶبە جەنە شىعىس قازاقستان وبلىستارىنداعى جول ۋچاسكەلەرٸ جابىلدى. 2 ناۋرىزداعى جاعداي بويىنشا توعىز ايماقتا داۋىلدى ەسكەرتۋ جارييالانعان.
«ٶتكەن اپتادا اۋا رايى ناشارلادى, كٶپتەگەن جولدار جابىلدى. قازٸرگٸ ۋاقىتتا توعىز ايماق بويىنشا داۋىل تۋرالى ەسكەرتۋ الدىق. ٷش ايماقتا جول ۋچاسكەلەرٸ جابىلدى. سوندىقتان, ازاماتتاردىڭ جولدىڭ جابىلعانى تۋرالى الدىن الا جٸبەرٸلگەن ەسكەرتۋدٸ ەلەمەي, رەسپۋبليكالىق جەنە وبلىستىق ماڭىزى بار جولدارعا ورناتىلعان بلوكپوستتاردى اينالىپ ٶتۋگە تىرىسپاۋىن ايتقىم كەلەدٸ. قىسقى كەزەڭ كٷنتٸزبەلٸك تٷردە اياقتالدى, بٸراق مەتەوجاعدايلار قازاقستاننىڭ ورتالىق بٶلٸگٸندە مول جاۋىن-شاشىن جاۋاتىن جەنە جەل جىلدامدىعى ارتاتىن جاڭا تسيكلون كەلە جاتقانىن كٶرسەتەدٸ. تيٸسٸنشە, بۇل قاردىڭ كٶپتەپ تٷسۋٸنە جەنە تج پايدا بولۋىنا ەكەپ سوعۋى مٷمكٸن», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستردٸڭ ايتۋىنشا, قىس مەزگٸلٸنٸڭ باسىنان بەرٸ قازاقستان اۋماعىندا مىڭنان استام داۋىلدى ەسكەرتۋ جارييالانعان, اۆتوجول ۋچاسكەلەرٸ (ونىڭ ٸشٸندە رەسپۋبليكالىق جەنە وبلىستىق) 680-نەن استام رەت جابىلعان, جٷك جەنە جولاۋشىلار اۆتوكٶلٸكتەرٸنٸڭ قوزعالىسى 230-دان استام رەت شەكتەلگەن.
«1242 ادام قۇتقارىلىپ, ەۆاكۋاتسييالاندى. ول ٷشٸن 90-نان استام جىلىتۋ پۋنكتٸ ٸسكە قوسىلىپ, 400-دەن استام تەحنيكا قار قۇرساۋىنان شىعارىلدى, اۆارييالىق-قۇتقارۋ جۇمىستارىنا 5 مىڭنان استام ادام مەن مىڭ تەحنيكا جۇمىلدىرىلدى», - دەيدٸ يلين.
