Qazaqstanda jol sapasyna bailanysty ákimshilik-quqyqtyq jaýapkershilik engizilýi múmkin, dep habarlaidy QazAqparat.
Bul týraly QR Indýstriia jáne infraqurylymdyq damý ministri Qaiyrbek Óskenbaev Úkimet otyrysynan keiin BAQ ókilderine bergen suhbatynda aitty.
«Biz arnaiy taldaý ortalyǵyn qurdyq. Byltyr joldar boiynsha 100 myńnan astam skrin jasaǵan bolatynbyz. Kemshilikterdi anyqtap, merdigerlerge túzetkizgen edik. Sondyqtan respýblikalyq mańyzdaǵy joldar boiynsha naqty tetik jolǵa qoiylǵan. Bul sanattaǵy joldardyń bárinde sapany baqylaý ortalyqtary bar. Jol qurylysy júrip jatqan kezde sol ortalyqtar táýlik boiy qadaǵalaý júrgizedi. Jergilikti mańyzdaǵy joldar boiynsha, ákimdikterge sapany baqylaý ortalyqtarymen kelisimshart ornatý usynamyz», - dedi ol jýrnalisterge Úkimettiń kýlýarynda.
Vedostvo basshysy bul baǵytta zańnamaǵa da ózerister engiziletinin jetkizdi.
«Biz zańǵa ózgerister engizdik. Jergilikti atqarýshy organdardy eldi mekenderdegi joldar boiynsha sapany baqylaý ortalyqtarymen kelisimshart jasaýdy mindettep otyrǵan joqpyz. Biraq ol joldardyń sapasyn da qadaǵalaýlary kerek. Sondai-aq, jol qurylysyna qatysýshylarǵa qatysty ákimshilik jaýapkershilik engizdik. Onyń ishinde jol sapasy boiynsha da jaýapkershilik kózdelgen», - dedi Qaiyrbek Óskenbaev.
Aitýynsha, atalǵan norma biyl qabyldanýy múmkin.
«Kólik týraly zańda jol sapasy boiynsha ákimshilik-qylmystyq jaýapkershilik engizýdi usyndyq. Eldi mekenderdiń joldary boiynsha jergilikti atqarýshy organdarǵa tikelei tapsyrma berildi. Olar jol jol sapasyn zertteýge quzyretti zerthanalar ashýy kerek nemese sondai nysandarmen kelisimshart jasaýy qajet», - dedi ministr.
