قازاقستاندا جول ساپاسىنا بايلانىستى ەكٸمشٸلٸك-قۇقىقتىق جاۋاپكەرشٸلٸك ەنگٸزٸلۋٸ مٷمكٸن, دەپ حابارلايدى قازاقپارات.
بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا ايتتى.
«بٸز ارنايى تالداۋ ورتالىعىن قۇردىق. بىلتىر جولدار بويىنشا 100 مىڭنان استام سكرين جاساعان بولاتىنبىز. كەمشٸلٸكتەردٸ انىقتاپ, مەردٸگەرلەرگە تٷزەتكٸزگەن ەدٸك. سوندىقتان رەسپۋبليكالىق ماڭىزداعى جولدار بويىنشا ناقتى تەتٸك جولعا قويىلعان. بۇل ساناتتاعى جولداردىڭ بەرٸندە ساپانى باقىلاۋ ورتالىقتارى بار. جول قۇرىلىسى جٷرٸپ جاتقان كەزدە سول ورتالىقتار تەۋلٸك بويى قاداعالاۋ جٷرگٸزەدٸ. جەرگٸلٸكتٸ ماڭىزداعى جولدار بويىنشا, ەكٸمدٸكتەرگە ساپانى باقىلاۋ ورتالىقتارىمەن كەلٸسٸمشارت ورناتۋ ۇسىنامىز», - دەدٸ ول جۋرناليستەرگە ٷكٸمەتتٸڭ كۋلۋارىندا.
ۆەدوستۆو باسشىسى بۇل باعىتتا زاڭناماعا دا ٶزەرٸستەر ەنگٸزٸلەتٸنٸن جەتكٸزدٸ.
«بٸز زاڭعا ٶزگەرٸستەر ەنگٸزدٸك. جەرگٸلٸكتٸ اتقارۋشى ورگانداردى ەلدٸ مەكەندەردەگٸ جولدار بويىنشا ساپانى باقىلاۋ ورتالىقتارىمەن كەلٸسٸمشارت جاساۋدى مٸندەتتەپ وتىرعان جوقپىز. بٸراق ول جولداردىڭ ساپاسىن دا قاداعالاۋلارى كەرەك. سونداي-اق, جول قۇرىلىسىنا قاتىسۋشىلارعا قاتىستى ەكٸمشٸلٸك جاۋاپكەرشٸلٸك ەنگٸزدٸك. ونىڭ ٸشٸندە جول ساپاسى بويىنشا دا جاۋاپكەرشٸلٸك كٶزدەلگەن», - دەدٸ قايىربەك ٶسكەنباەۆ.
ايتۋىنشا, اتالعان نورما بيىل قابىلدانۋى مٷمكٸن.
«كٶلٸك تۋرالى زاڭدا جول ساپاسى بويىنشا ەكٸمشٸلٸك-قىلمىستىق جاۋاپكەرشٸلٸك ەنگٸزۋدٸ ۇسىندىق. ەلدٸ مەكەندەردٸڭ جولدارى بويىنشا جەرگٸلٸكتٸ اتقارۋشى ورگاندارعا تٸكەلەي تاپسىرما بەرٸلدٸ. ولار جول جول ساپاسىن زەرتتەۋگە قۇزىرەتتٸ زەرتحانالار اشۋى كەرەك نەمەسە سونداي نىساندارمەن كەلٸسٸمشارت جاساۋى قاجەت», - دەدٸ مينيستر.
