QR Prezidenti Qasym-Jomart Toqaev týrizm salasyn damytýdaǵy kedergilerdi atady, dep habarlaidy "Ult aqparat".
«Biz únemi Aqmola oblysy aitarlyqtai tabiǵi-rekreatsiialyq resýrstarǵa jáne mádeni mura nysandaryna bai ekenin aitamyz. Biraq, onyń týristik áleýeti tolyqqandy paidalanylmai otyr. Búgingi kúni týristik salanyń jalpy ishki ónimdegi úlesi 0,5 paiyzdan aspaidy», - dedi Qasym-Jomart Toqaev Aqmola oblysyn damytý máseleleri jónindegi keńeste.
Osy oraida Memleket basshysy týrister legine tosqaýyl bolatyn aitarlyqtai faktorlar bar ekenin basa aitty.
«Eń qajetti jol boiyndaǵy dárethanalardy tártipke keltire almai otyryp, servis jaiynda qalai aita alamyz?!», - degen Qazaqstan Prezidenti jol boiyndaǵy dárethanalardyń jiirkenishti jai-kúii únemi kóterilip kele jatqanyna basa nazar aýdartty.
