«QazAvtoJol» kompaniiasy 2019-2020 jyldarǵa arnalǵan jol boiynda sanitarlyq toraptar ornatý baǵdarlamasyn tanystyrdy, dep habarlaidy "Ult aqparat".
Ulttyq operator - «QazAvtoJol» kompaniiasy avtomobil joldary komitetimen birige otyryp, 2022 jylǵa deiin demalys oryndarynda 304 sanitarlyq torapty ornatý boiynsha baǵdarlama jasady. Bul baǵdarlamany QR Indýstriia jáne infraqurylymdyq damý ministrligi bekitti.
«Qaita jóndeýden ótip jatqan joldardyń boiynda – 110, paidalanýǵa berilgen jol bólikterinde – 121, aqyly jol boiynda – 73 dárethana jasalady», - dedi kompaniiadan.
Qaita jóndeýden ótip jatqan joldardyń boiynda qazir 14 torap ornatylyp jatyr.
Onyń biri Shýchinsk – Zerendi ýchaskesinde ornatyldy. «Nur-Sultan – Pavlodar», «Jetibai – Jańaózen», Qaraǵandy ainalma jolynda 11 torap qoiylyp jatyr. «Shymkent - Taraz» tas jolynda 2 torap ornatý úshin kelisimge qol qoiyldy.
Osy baǵdarlamany júzege asyrý maqsatynda 2019 jyldyń 21 qazanynda 40 ájethana ornatý jáne qyzmet kórsetý boiynsha investitsiialyq baiqaý jariialanǵan bolatyn.
Qazir demalys alańdaryn qalpyna keltirý, elektr jelisin tartý, uńǵyma qazý jumystary atqarylyp jatyr. Elektr jelisi tartylmaǵan jerlerge balama elektr energiiasy kózin ornatý kózdelgen.
Bul baiqaýǵa qatysýǵa «EUROmodul KZ», «Qazaqtech», «Ice Group KZ» JShS sekildi kompaniialardan ótinish tústi. Baiqaýdyń alǵashqy kezeńi boiynsha «Qazaqtech» JShS investor atandy.
«Bul kompaniia ájethanalarǵa jasyl tehnologiia qaǵidaty boiynsha vakkýmdy aǵyzý júiesi, kún energiiasy júiesin ornatýmen ainalysady. Bul toraptardy ornatý investor qarjysynyń esebinen bolady», - dedi «QazAvtojol» kompaniiasynan.
Eske sala keteiik, 14 qarashada QR Prezidenti Qasym-Jomart Toqaev týrizm salasyn damytýdaǵy kedergilerdi aitqan bolatyn. Memleket basshysy Aqmola oblysynyń týristik múmkindigine shekteý qoiyp otyrǵan bir faktor retinde ájethanalardy tilge tiek etti.
«Eń qajetti degen jol boiyndaǵy dárethanalardy tártipke keltire almai otyryp, servis jaiynda qalai aitamyz?!», - degen bolatyn Prezident.
