Jol apatyna túsip, eki aiaǵynan airylǵan almatylyq Ekaterina Parafieva Germaniiaǵa qonys aýdardy, dep habarlaidy QazAqparat tilshisi.
Kelinshek facebook-taǵy paraqshasynda nege Germaniiaǵa ketýge bel býǵanyn túsindirdi.
«Meniń ómirimdi ózgertken kún... Bul oqiǵa meniń ózime degen senimdiligimdi arttyrdy!
2 jyl ótti. Maǵan eki jyl buryn bireý osylai istei alasyń dese, sener me edim?! Seniń bolashaǵyń túbegeili ózgeredi dese, basqa elge kóship ketesiń dese senbes edim. Men sonshama kúsh-jigerdi qaidan alar edim?! Endi jaýabyn bilemin, adamnyń múmkindigi sheksiz. Barlyq kedergiler basymyzda. Adam óziniń nege qabiletti ekenin múlde bilmeidi», - dedi ol.
E.Parafieva «ne úshin kóshpeksiń» degen saýalǵa aiaǵymnan nyq turýym úshin dep jaýap bergen.
Onyń aitýynsha, qazir qyzy ekeýi Mangeim qalasynda júr.
Eske sala keteiik, E. Parafieva 16 maýsymda Almaty qalasyndaǵy ál-Farabi dańǵylynda bolǵan jol apatynan japa shekken bolatyn. Honda CRV kóligin tizgindegen qyzdar ashyq liýkke kirip ketip, kólik dóńgelegin jaryp alǵan. Sodan jol shetine toqtap, syrtqa shyǵyp, kólikterin qarap jatqan kezde ortańǵy jolaqta kele jatqan Toyota Camry mashinasyn avtobýs soqqan. Qatty soqqydan Toyota Camry ainalyp, artqy jaǵymen Honda CRV kóligin urǵan. Sonyń saldarynan qyzdar ortada qysylyp qalyp, bireýi eki aiaǵynan aiyryldy.
Jarty jylǵa sozylǵan sot protsesinde avtobýs júrgizýshisi Dáýren Jańabaevtyń 2 jylǵa bas bostandyǵy shekteldi.
Sonymen qatar, Jańabaev jábirlenýshige 2 mln teńge kóleminde moraldyq shyǵyn tóleýge mindetteldi.
