جول اپاتىنا تٷسٸپ, ەكٸ اياعىنان ايرىلعان الماتىلىق ەكاتەرينا پارافيەۆا گەرمانيياعا قونىس اۋداردى, دەپ حابارلايدى قازاقپارات تٸلشٸسٸ.
كەلٸنشەك facebook-تاعى پاراقشاسىندا نەگە گەرمانيياعا كەتۋگە بەل بۋعانىن تٷسٸندٸردٸ.
«مەنٸڭ ٶمٸرٸمدٸ ٶزگەرتكەن كٷن... بۇل وقيعا مەنٸڭ ٶزٸمە دەگەن سەنٸمدٸلٸگٸمدٸ ارتتىردى!
2 جىل ٶتتٸ. ماعان ەكٸ جىل بۇرىن بٸرەۋ وسىلاي ٸستەي الاسىڭ دەسە, سەنەر مە ەدٸم?! سەنٸڭ بولاشاعىڭ تٷبەگەيلٸ ٶزگەرەدٸ دەسە, باسقا ەلگە كٶشٸپ كەتەسٸڭ دەسە سەنبەس ەدٸم. مەن سونشاما كٷش-جٸگەردٸ قايدان الار ەدٸم?! ەندٸ جاۋابىن بٸلەمٸن, ادامنىڭ مٷمكٸندٸگٸ شەكسٸز. بارلىق كەدەرگٸلەر باسىمىزدا. ادام ٶزٸنٸڭ نەگە قابٸلەتتٸ ەكەنٸن مٷلدە بٸلمەيدٸ», - دەدٸ ول.
ە.پارافيەۆا «نە ٷشٸن كٶشپەكسٸڭ» دەگەن ساۋالعا اياعىمنان نىق تۇرۋىم ٷشٸن دەپ جاۋاپ بەرگەن.
ونىڭ ايتۋىنشا, قازٸر قىزى ەكەۋٸ مانگەيم قالاسىندا جٷر.
ەسكە سالا كەتەيٸك, ە. پارافيەۆا 16 ماۋسىمدا الماتى قالاسىنداعى ەل-فارابي داڭعىلىندا بولعان جول اپاتىنان جاپا شەككەن بولاتىن. Honda CRV كٶلٸگٸن تٸزگٸندەگەن قىزدار اشىق ليۋككە كٸرٸپ كەتٸپ, كٶلٸك دٶڭگەلەگٸن جارىپ العان. سودان جول شەتٸنە توقتاپ, سىرتقا شىعىپ, كٶلٸكتەرٸن قاراپ جاتقان كەزدە ورتاڭعى جولاقتا كەلە جاتقان Toyota Camry ماشيناسىن اۆتوبۋس سوققان. قاتتى سوققىدان Toyota Camry اينالىپ, ارتقى جاعىمەن Honda CRV كٶلٸگٸن ۇرعان. سونىڭ سالدارىنان قىزدار ورتادا قىسىلىپ قالىپ, بٸرەۋٸ ەكٸ اياعىنان ايىرىلدى.
جارتى جىلعا سوزىلعان سوت پروتسەسٸندە اۆتوبۋس جٷرگٸزۋشٸسٸ دەۋرەن جاڭاباەۆتىڭ 2 جىلعا باس بوستاندىعى شەكتەلدٸ.
سونىمەن قاتار, جاڭاباەۆ جەبٸرلەنۋشٸگە 2 ملن تەڭگە كٶلەمٸندە مورالدىق شىعىن تٶلەۋگە مٸندەتتەلدٸ.
