© Sputnik / Nina Zotina
Qazaqstanda úzdik pedagogtardy óńirlerge arnaiy baǵdarlama arqyly tartý josparlanyp otyr. Bul týraly bilim jáne ǵylym vitse-ministri Sholpan Karinova aitty, dep habarlaidy Sputnik Qazaqstan.
"Aldaǵy ýaqytta úzdik pedagogtardy Mańǵystaý, Atyraý, Almaty men Túrkistan oblystaryna tartý boiynsha arnaiy baǵadarlama qolǵa alynady. Olarǵa aitarlyqtai áleýmettik qoldaý jasalady. Sonyń ishinde jalaqynyń ulǵaitylǵan koeffitsenti, arendalyq baspana men kommýnaldyq qyzmetterdiń shyǵyndaryn óteý siiaqty sharalar bar", - dedi Karinova ministrliktiń alqa májilisinde.
Osylaisha, aimaqtardaǵy bilim deńgeiiniń alshaqtyǵyn qysqartý josparlanyp otyr.
Budan bólek, 2022 jyly kem degende 70 myń pedagog jańa bilim berý baǵdarlamalary boiynsha biliktilikti arttyrý kýrstarynan ótetin bolady.
Aita keteri, qańtardyń basynda jappai tártipsizdikterden keiin Prezident Qasym-Jomart Toqaev úzdik pedagogtardy aimaqtarǵa tartý boiynsha arnaiy baǵdarlamany ázirleýdi tapsyrdy.
