Shildeden bastap zeinetaqynyń kólemi ulǵaidy. Atalǵan áleýmettik kómektiń alǵashqy tólemi barlyq zeinetkerlerge aýdaryldy, dep habarlaidy Ult.kz tilshisi QazAqparat agenttigine silteme jasap.
«Búgin biz zeinetaqynyń joǵary mólsherin barlyq 2 mln zeinetkerimizge tóleýdi aiaqtadyq. Osy maqsatta tek bir aiǵa biýdjetten qosymsha 50 mlrd teńge bólindi. Budan bólek, 1 shildeden bastap náresteli bolǵan otbasylar bir rettik járdemaqyny 20 paiyzǵa artyq ala bastady», - dedi QR Eńbek jáne halyqty áleýmettik qorǵaý ministri Tamara Dúisenova búgin Úkimette ótken baspasóz máslihatynda.
Aita keteiik, Qazaqstan Táýelsizdiginiń 25-jyldyǵyna arnalǵan saltanatty jiynda Memleket basshysy Nursultan Nazarbaev 2017 jyly zeinetaqy kólemin 2016 jylǵy deńgeiden 20 paiyzǵa arttyrýdy, sondai-aq 1 shildeden bastap bala týýyna bailanysty bir rettik memlekettik járdemaqy mólsherin 20 paiyzǵa ulǵaitýdy tapsyrǵan bolatyn.
