© Public Domain
Aqmola oblystyq politsiia departamenti 10 jastaǵy oqýshyny zorlaý oqiǵasy boiynsha tergeý sharalarynyń bastalǵanyn málimdedi, dep habarlaidy Sputnik Qazaqstan.
Buǵan deiin áleýmettik jelide osy oqiǵanyń videosy taraǵan bolatyn. Politsiianyń málimetine sáikes, bala astanaǵa jaqyn jerdegi mektepke oqidy.
"Politsiiaǵa WhatsApp messendjerinde astanaǵa jaqyn jerdegi eldi mekende turatyn 2012 jylǵy balaǵa seksýaldyq sipattaǵy áreketter jasalǵan videonyń taraǵany týraly aqparat tústi. Osy oqiǵa boiynsha shuǵyl tergeý sharalary bastaldy", - deidi departament mamandary.
Qazirgi kezde sot-meditsinalyq saraptamalar taǵaiyndaldy. Protsessýaldyq sharalar da qolǵa alyndy.
"Kámelettik jasqa tolmaǵandardan jaýap alynyp jatyr. Oǵan zańdy ókilderi, pedagogtar, psihologtar men advokattar qatysyp júr", - dep atap kórsetti politseiler.
Aita keteri, tergeý sharalary Qylmystyq kodekstiń 121-baby, 4-tarmaǵy (Seksýaldyq sipattaǵy zorlyq-zombylyq áreketteri, jas balaǵa qatysty jasalǵan áreket) júrgizilip jatyr.
Osy bapta 20 jyl merzimge bas bostandyǵynan aiyrý ne ómir boiyna bas bostandyǵynan aiyrý jazasy qarastyrylǵan.
