Jaiaý júrginshiler jolynan ótip bara jatqan jasóspirimdi qaqqan 21 jastaǵy júrgizýshiniń ákesi resmi málimdeme jasady. Memlekettik qyzmetker "joǵary laýazymdy sheneýnik" emes ekenin aitty, dep habarlaidy "Ult aqparat".
"Facebook áleýmettik jelisinde jáne basqa buqaralyq aqparat quraldarynda Ulymnyń qatysýymen bolǵan jol-kólik oqiǵasy jariialanǵan jazbaǵa qatysty málimdeme jasaǵandy jón dep sanaimyn.
Men - qarjy ministrligi memlekettik kirister komitetinde basqarma basshysy qyzmetin atqaramyn jáne "joǵary laýazymdy sheneýnik" emespin. Bul jaitty saralaý, barlyq mán-jaiyn anyqtaý tiisti sheshim qabyldaityn quqyq qorǵaý organdarynyń quzyretine kiredi.
Osyǵan bailanysty qazirgi ýaqytta aldyn ala qandai da bir qorytyndy jasaý erte. Meniń tarapymnan Quqyq qorǵaý organdarynyń áreketine aralasýǵa jol berilmeidi, oǵan qosa bul zańmen qýdalanady", – degen memlekettik qyzmetker Damir Nurǵalievtiń sózin qarjy ministrligi jariia etti.
Sonymen qatar, ákesi ulymen áńgimeleskenin de atap ótti.
"Men óz kezegimde basylymdarda kórsetilgen jaǵdai týraly ulymmen áńgimelestim, sonymen qatar, qarsy taraptan eshqandai shaǵym bolmasa da, keshirim suradyq. Oryn alǵan jaǵdaidyń jumysyma jáne qarjy ministrligi men memlekettik kirister komitetiniń jumysyna eshqandai qatysy joq ekenin atap ótkim keledi", – dep tolyqtyrdy basqarma basshysy.
