«ADAL BILIM» jobalyq keńsesiniń ákimshisi Sergei Penniń pikirinshe, Qazaqstannyń joǵary bilim berý júiesinde eki negizgi problema bar. Sonyń biri - oqytýshylar men professorlardyń jalaqysynyń tómendigi. Onyń aitýynsha, ýniversitetter ǵylymi salaǵa talantty kadrlardy tartýy tiis. Bul rette olardyń jalaqysy da tiisinshe joǵary bolýy shart.
«Mysaly, M. Nárikbaev atyndaǵy KAZGIýÝ ýniversitetinde halyqaralyq gradatsiia júiesi boiynsha jumys isteitin professorlardyń jalaqysy - $1000-dan $5000-ǵa deiin. Bul jerde, árine, memlekettik qoldaý qajet. Kóptegen elder joǵary oqý oryndarynyń bazasynda jumys isteitin ǵalymdaryn tikelei qarjylandyrady. Bul - óte mańyzdy aspekt», - dep atap ótti Sergei Pen.
Ol qazaqstandyq joǵary oqý oryndary stýdentter men bilim berý úderisin biznes retinde qabyldaitynyn da málimdedi.
«Stýdentterge ámiian retinde qarap, bilim júiesin tabys kózine ainaldyrýdyń qajeti joq. Bilim sapasy da tiisinshe joǵary deńgeige kótersin. Mundai jaǵdaida olar kontingentin joǵaltýǵa, suranysty joǵaltýǵa jáne kiristiń azaiýyna daiyn bolýy kerek. Joǵary oqý oryndarynyń sapasyn arttyrý úshin syrtqy baqylaý tetikterin qoldanýdy usynamyn. Mysaly, baǵa medianasyn engizý ideiasy. Keibir ýniversitetterde 100% stýdent qabyldanyp, 800% bitirip shyǵady. Elimizde mundai jaǵdailar jii kezdesedi. Bul máselemen kúresý kerek»- deidi «ADAL BILIM» jobalyq keńsesiniń ákimshisi.
Onyń pikirinshe, sabaq berý deńgeiin qolǵa alǵan ýniversitetter ǵylymi bilimdi qalyptastyrý úshin zertteý qyzmetiniń deńgeiin de kóterýi kerek.
