Memleket basshysy Joǵarǵy Sot tóraǵasy laýazymyna Aslambek Merǵalievtiń kandidatýrasyn usyndy, - dep habarlaidy "Ult aqparat".
"Búgin biz Memleket basshysynyń arnaiy tapsyrmasymen jáne Konstitýtsiia men Senattyń airyqsha kirispesine sáikes, Joǵarǵy Sottyń tóraǵasyn qyzmetinen bosatý jáne osy qyzmetke sailaý týraly máseleni qarastyramyz. Bes jyl buryn osy quqyqty paidalana otyryp, Jaqyp Asanovty Joǵarǵy Sottyń tóraǵasy etip sailaǵanbyz. Qańtarda onyń ókilettigi aiaqtalady jáne basqa laýazymǵa aýysýyna bailanysty qazir sizderdiń aldaryńyzda Prezidenttiń ony osy laýazymnan bosatý týraly usynysyn qabyldaimyz", - dedi Prezident Ákimshiliginiń basshysy Murat Nurtileý Senat otyrysynda.
Senatorlar Merǵalievtiń kandidatýrasyn biraýyzdan qoldap, tiisti qaýlyny qabyldady. Al jańadan sailanǵan tóraǵa adal qyzmet atqarýǵa ant berdi.
Aslambek Merǵaliev 1972 jyly 2 sáýirde Pavlodar oblysy Ertis aýdany Qaraqudyq aýylynda týǵan.
1999 jyly zańger mamandyǵy boiynsha Ystambul memlekettik ýniversitetin bitirgen.
Sot salasynda 2001 jyldan beri qyzmet istep keledi.
2001-2003 j.j. - Pavlodar oblystyq sotynyń bas mamany;
2003-2007 j.j. - Pavlodar qalalyq sotynyń sýdiasy;
2007-2008 j.j. - Pavlodar oblysy Ekibastuz qalasynyń mamandandyrylǵan ákimshilik sotynyń tóraǵasy;
2008-2012 j.j. - Pavlodar oblysy Ekibastuz qalalyq sotynyń tóraǵasy;
2012 -2014 j.j. - Pavlodar qalalyq №2 sotynyń tóraǵasy;
2014 jyldyń 17 maýsymynan 2015 jyldyń 18 jeltoqsanyna deiin - Soltústik Qazaqstan oblystyq sotynyń qylmystyq ister boiynsha apelliatsiialyq sot alqasynyń tóraǵasy qyzmetin atqarǵan.
2015 jyldan 2020 jylǵa deiin Qostanai oblystyq sotynyń tóraǵasy qyzmetin atqardy.
2020 jyldyń 31 jeltoqsanynan bastap búginge deiin Aqtóbe oblystyq sotynyń tóraǵasy bolyp jumys istegen.
Aita keteiik, 2017 jyldyń jeltoqsan aiynda Joǵarǵy Sot tóraǵasy bolǵan Jaqyp Asanov qyzmetinen bosatyldy.
