مەملەكەت باسشىسى جوعارعى سوت تٶراعاسى لاۋازىمىنا اسلامبەك مەرعاليەۆتٸڭ كانديداتۋراسىن ۇسىندى, - دەپ حابارلايدى "ۇلت اقپارات".
"بٷگٸن بٸز مەملەكەت باسشىسىنىڭ ارنايى تاپسىرماسىمەن جەنە كونستيتۋتسييا مەن سەناتتىڭ ايرىقشا كٸرٸسپەسٸنە سەيكەس, جوعارعى سوتتىڭ تٶراعاسىن قىزمەتٸنەن بوساتۋ جەنە وسى قىزمەتكە سايلاۋ تۋرالى مەسەلەنٸ قاراستىرامىز. بەس جىل بۇرىن وسى قۇقىقتى پايدالانا وتىرىپ, جاقىپ اسانوۆتى جوعارعى سوتتىڭ تٶراعاسى ەتٸپ سايلاعانبىز. قاڭتاردا ونىڭ ٶكٸلەتتٸگٸ اياقتالادى جەنە باسقا لاۋازىمعا اۋىسۋىنا بايلانىستى قازٸر سٸزدەردٸڭ الدارىڭىزدا پرەزيدەنتتٸڭ ونى وسى لاۋازىمنان بوساتۋ تۋرالى ۇسىنىسىن قابىلدايمىز", - دەدٸ پرەزيدەنت ەكٸمشٸلٸگٸنٸڭ باسشىسى مۇرات نۇرتٸلەۋ سەنات وتىرىسىندا.
سەناتورلار مەرعاليەۆتٸڭ كانديداتۋراسىن بٸراۋىزدان قولداپ, تيٸستٸ قاۋلىنى قابىلدادى. ال جاڭادان سايلانعان تٶراعا ادال قىزمەت اتقارۋعا انت بەردٸ.
اسلامبەك مەرعاليەۆ 1972 جىلى 2 سەۋٸردە پاۆلودار وبلىسى ەرتٸس اۋدانى قاراقۇدىق اۋىلىندا تۋعان.
1999 جىلى زاڭگەر ماماندىعى بويىنشا ىستامبۇل مەملەكەتتٸك ۋنيۆەرسيتەتٸن بٸتٸرگەن.
سوت سالاسىندا 2001 جىلدان بەرٸ قىزمەت ٸستەپ كەلەدٸ.
2001-2003 ج.ج. - پاۆلودار وبلىستىق سوتىنىڭ باس مامانى;
2003-2007 ج.ج. - پاۆلودار قالالىق سوتىنىڭ سۋدياسى;
2007-2008 ج.ج. - پاۆلودار وبلىسى ەكٸباستۇز قالاسىنىڭ مامانداندىرىلعان ەكٸمشٸلٸك سوتىنىڭ تٶراعاسى;
2008-2012 ج.ج. - پاۆلودار وبلىسى ەكٸباستۇز قالالىق سوتىنىڭ تٶراعاسى;
2012 -2014 ج.ج. - پاۆلودار قالالىق №2 سوتىنىڭ تٶراعاسى;
2014 جىلدىڭ 17 ماۋسىمىنان 2015 جىلدىڭ 18 جەلتوقسانىنا دەيٸن - سولتٷستٸك قازاقستان وبلىستىق سوتىنىڭ قىلمىستىق ٸستەر بويىنشا اپەللياتسييالىق سوت القاسىنىڭ تٶراعاسى قىزمەتٸن اتقارعان.
2015 جىلدان 2020 جىلعا دەيٸن قوستاناي وبلىستىق سوتىنىڭ تٶراعاسى قىزمەتٸن اتقاردى.
2020 جىلدىڭ 31 جەلتوقسانىنان باستاپ بٷگٸنگە دەيٸن اقتٶبە وبلىستىق سوتىنىڭ تٶراعاسى بولىپ جۇمىس ٸستەگەن.
ايتا كەتەيٸك, 2017 جىلدىڭ جەلتوقسان ايىندا جوعارعى سوت تٶراعاسى بولعان جاقىپ اسانوۆ قىزمەتٸنەن بوساتىلدى.
