Parlament Senatynyń jalpy otyrysynda QR Joǵarǵy sotynyń sýdialary qyzmetinen bosatyldy, dep habarlaidy "Ult aqparat".
«Sizderdiń qaraýyńyzǵa Anatolii Sergeevich Smolindi jáne Serik Qazbekuly Ábnásirovti Joǵarǵy Sot sýdiasynyń qyzmetinen bosatý týraly Memleket basshysynyń usynymy engizilip otyr.
Prezident Jarlyǵymen Smolin Qostanai oblystyq sotynyń tóraǵasy qyzmetine taǵaiyndaldy. Sonymen qatar, sýdia Ábnásirov zeinetkerlik jasqa tolýyna bailanysty otstavkaǵa shyǵý týraly ótinish berdi», - dedi QR Joǵary Sot Keńesiniń tóraǵasy Talǵat Donaqov.
Palata depýtattary osy usynysqa qoldaý bildirip, sýdialardy qyzmetinen bosatý týraly sheshim qabyldady.
Eske sala keteiik, biyl qańtar aiynda QR Joǵarǵy Sotynyń tóraǵasy Jaqyp Asanov Qostanai oblystyq sotynyń jańadan taǵaiyndalǵan tóraǵasy A. Smolindi qashyqtan tanystyrǵan bolatyn.
