Joǵarǵy Sotta ákimshilik ister boiynsha sot alqasyn qurý usynyldy. Bul týraly Májilistiń jalpy otyrysynda «Qazaqstan Respýblikasynyń sot júiesi men sýdialarynyń mártebesi týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» QR Konstitýtsiialyq zań jobasyn birinshi oqylymda talqylaý kezinde aityldy, dep habarlaidy QazAqparat.
Qujatty bir top Parlament depýtattary ázirlep, zań shyǵarý bastamasy tártibimen engizdi.
«Ákimshilik rásimdik-protsestik kodeksti qabyldaý jáne ony 2021 jylǵy 1 shildeden bastap qoldanysqa engizý sot júiesiniń jumysyna túzetýler engizýdi talap etedi. Qazaqstan Respýblikasy Joǵarǵy Sotynyń jáne oblystyq sottardyń «Qazaqstan Respýblikasynyń sot júiesi men sýdialarynyń mártebesi týraly» Konstitýtsiialyq zańda belgilengen qoldanystaǵy qurylymy Ákimshilik rásimdik-protsestik kodekstiń mindetterine tolyq kólemde jaýap bermeidi», - dedi Májilis depýtaty Qanat Mýsin.
Onyń aitýynsha, Joǵarǵy Sotta ákimshilik ister boiynsha sot alqasyn qurý usynylady. Qazirgi mamandandyrylǵan sot alqasy taratylady.
«Oblystyq sottarda da tiisti sot alqalary qurylady. Bul shara sot júiesine óńirlerde isterdiń bólinýine bailanysty únemi ózgerip otyratyn jaǵdaiǵa jedel den qoiýǵa múmkindik beredi», - dep túsindirdi depýtat.
