Sýdia – abyroily laýazym. Kez-kelgen zańgerdiń eń biik shyńy. Bul jai ǵana qabilet emes, sonymen qatar airyqsha bedel, árbir sheshim úshin jaýaptylyqty, ádilettilik pen zańdylyqty joǵary deńgeide sezine bilý. Oishyldar sýdiany «sóileitin zań» dep jaidan-jai aitpasa kerek.
Bizdiń qoǵamda sýdialar – biler soty dástúrin jalǵastyrýshylar. Olar ar-ojdannyń, ádildiktiń, sheshendik ónerdiń, tereń bilim men basqa da qasietterdiń etalonyna ainaldy. Uly dalanyń myzǵymas abyroiy men senimine ie boldy. Qazaq handyǵynyń órkendeý dáýiri Áiteke, Qazybek jáne Tóle bilerdiń esimderimen bailanysty bolýy teginnen-tegin emes.
Búginde Memleket basshysynyń tapsyrmasymen respýblikada sot júiesin jańǵyrtý júrgizilýde. Onyń eń mańyzdy mindetiniń biri - sýdialardy irikteý júiesin jolǵa qoiý. Sýdialyq qyzmetke eń laiyqtylar men daiyndyǵy myqty úmitkerler ǵana kelýi tiis. Ol úshin kúrdeli jáne, eń bastysy, ashyq konkýrs qajet. Joǵarǵy Sottyń birinshi basym baǵdarlamasy «MINSIZ SÝDIa» dep atalýy da sondyqtan.
Biz sýdialardy irikteý men olardyń kareralyq ósý júiesin jetildirýdiń keshendi sharalaryn pysyqtaýdamyz. Bul jumys Joǵary Sot Keńesimen birge júrgizilýde.
Osy oraida sot bilimine erekshe nazar aýdarylyp otyr. Bul – sot biligin jaqsartý men jańa zamanǵy sýdialardy daiarlaýdyń sheshýshi faktory. Osy mindetti Joǵarǵy Sot janyndaǵy Sot tóreligi akademiiasy tolyǵymen oryndap keledi. Akademiia sheteldik ozyq tájiribe negizinde qurylǵan. Búgingi kúni ol – oqytý baǵdarlamasy sot júiesiniń naqty suranystaryn eskeretin elimizdegi jalǵyz joǵary oqý orny.
Sot tóreligi akademiiasynyń túlekteri basqalarǵa qaraǵanda birqatar artyqshylyqtarǵa ie.
Onyń sebebi mynadai:
Birinshisi. Bolashaq sýdialardy Joǵarǵy Sottyń sýdialary men jetekshi sarapshylar oqytady. Oqý barysynda sýdialardyń kúndelikti jumysyndaǵy mysaldar keńinen qoldanylady. Sheteldik, sonyń ishinde úzdik quqyq mektepterindegi tájiribege erekshe nazar aýdarylady.
Ekinshisi – praktikalyq mashyq: oqytý merziminiń 60%-y sot organdarynda tájiribeden ótýge arnalǵan.
Úshinshisi – shynshyldyq, adaldyq, beitaraptylyq siiaqty jeke qasietterdi damytý. Ózin-ózi jetildire bilý. Tulǵalyq damý boiynsha úzdik baǵdarlamalardy qoldaný. Akademiiada buǵan asa mán beriledi.
Irikteý sapasyn arttyrý maqsatynda magistranttardy qabyldaý tártibi ózgertildi.
Emtihannyń biri – quqyq salalary boiynsha naqty keisterdi sheshý.
Budan keiin esse jazylady. Úmitker ózi jaily, óziniń eńbek joly jáne ne úshin Akademiia magistranty bolǵysy keletini týraly áńgimelep berýi tiis.
Qajetti upai jinaǵan árbir úmitkerdiń kásibi qasietterin anyqtaý úshin ózim jáne Joǵary Sottyń basqa da ókilderi olarmen áńgimelesý ótkizemiz.
Akademiiany qarjylandyrý erejesine sáikes úmitkerler memlekettik qyzmetshi bolýy tiis ekendigin birden atap ótkim keledi. Oqý kezinde olardyń eńbek ótili men jalaqysy saqtalady. Sonymen qatar sýdialyqqa úmitkerlerdiń zańgerlik jumys ótiline qatysty qoiylatyn zań talaptary bar.
Eger jigerli bolsańyz, aldyńyzǵa maqsat qoiyp, soǵan umtylsańyz jáne óz ómirińizdi zań men qoǵamǵa qyzmet etýge arnaimyn deseńiz, onda Sizdi Sot tóreligi akademiiasynyń magistratýrasyna shaqyramyn. Bul oqý ornynda sýdia bolý úshin qajetti bilim men qabiletke ie bolasyz.
Qabyldaý barynsha obektivti túrde ótedi. Men komissiianyń jumysy ashyq, ádil bolatynyna kepildik beremin. Akademiiaǵa eń laiyqtylar ǵana túsedi.
Biz Qazaqstannyń sottarynda úzdikterdiń úzdigi jumys jasaǵanyn qalaimyz! Solardyń biri bolyńyz! Elimizdiń damýyna óz úlesińizdi qosyńyz! Sizdi kútemiz!
Tolyq aqparatpen htpp://academy.sud.kz saityndaǵy «Oqýǵa túsýshiler úshin» bólimde tanysýǵa bolady.
Joǵarǵy Sottyń
Tóraǵasy
J. Asanov
