Joǵarǵy sottyń sýdiasy Meiram Janǵuttinov para aldy degen kúdikpen ustalǵan. Bul týraly Kozachkov offside telegram kanalynda jýrnalist Mihail Kazachkov habarlady.
Onyń aitýynsha, Sybailas jemqorlyqqa qarsy kúres qyzmeti Joǵarǵy sottyń ishki qaýipsizdik bólimimen birlese otyryp, 11 aqpanda Joǵarǵy sottyń sýdiasy Meiram Janǵuttinovti ustaǵan.
8 myń AQSh dollary kóleminde para aldy degen kúdik keltirilip otyr, – delingen habarlamada.
Kanalda sonymen qatar Joǵarǵy sottyń taǵy bir qyzmetkeri ustalýy múmkin ekeni jazylǵan.
Sýdia Janǵuttinov eńbek jolyn 1990 jyly Shyǵys Qazaqstan oblysy Marqakól aýdandyq sotynyń tóraǵasy bolyp bastaǵan. 2014 jyly deiin Joǵarǵy sotqa taǵaiyndalǵansha, mansap satysymen kóterilip otyrdy. 2019 jyldan bastap ol Qazaqstan Respýblikasy Joǵarǵy sot Keńesiniń múshesi jáne Sýdialardy konkýrstyq irikteý jónindegi komissiianyń múshesi. Sondai-aq Qazaqstan Respýblikasy Joǵarǵy sot Keńesi janyndaǵy Saraptamalyq-konsýltativtik komissiianyń múshesi.
