Foto: Anadolý
Venesýelanyń Joǵarǵy soty vitse-prezident Delsi Rodrigesti el prezidentiniń mindetin ýaqytsha atqarýshy etip taǵaiyndady. Bul sheshim Nikolas Madýro tutqyndalyp, elden shyǵarylǵannan keiin qabyldandy. Bul týraly Sinhýa jazdy.
Sottyń Konstitýtsiialyq palatasy basqarý júiesinde irkilis bolmaýy jáne memlekettik apparattyń úzdiksiz jumysyn qamtamasyz etý maqsatynda osyndai qaýly shyǵarǵanyn málimdedi. Qujatta Rodriges eldiń ákimshilik qyzmeti men qaýipsizdigin qamtamasyz etýge jaýapty bolatyny kórsetilgen.
Madýro men onyń jubaiy Siliia Flores AQSh-ta narkoterrorizm jáne qarý-jaraqqa qatysty birqatar aýyr aiyptar boiynsha ustalyp, Niý-Iorkke jetkizildi. AQSh tarapy Venesýelaǵa qarsy aýqymdy operatsiia júrgizgenin rastady.
Delsi Rodriges Madýrony dereý bosatýdy talap etip, Venesýelanyń táýelsiz el ekenin málimdedi. Al Ulybritaniia premer-ministri Kir Starmer óz eliniń bul operatsiiaǵa qatysy joq ekenin aitty.
Áskeri operatsiia saldarynan keminde 40 adam qaza tapqany habarlandy. Sonymen qatar, Kolýmbiiadaǵy venesýelalyq migranttar bul oqiǵany qýanyshpen qarsy alyp, Bogotada sherýge shyqty. Birqatar elder Venesýeladaǵy jaǵdaiǵa alańdaýshylyq bildirdi.
