Joǵarǵy Sot ókili Almaty oblysy prokýratýrasynyń kazino oinaǵan sýdialar týraly qujatyna qatysty pikir bildirdi, - dep habarlaidy Massaget.kz.
"Áleýmettik jelilerde taralǵan Almaty oblysy prokýratýrasynyń hatyna qatysty aitar bolsaq, Joǵarǵy Sottyń 7 ókiliniń oiyn mekemelerine barýy týraly aqparat shyndyqqa janaspaidy. Biz Almaty oblysynyń prokýratýrasyna habarlasyp, osy qateni túzetýdi suradyq. Joǵarǵy Sottyń sýdialary da, Joǵarǵy Sot apparatynyń qyzmetkerleri de bul tizimde joq ekenin taǵy da atap ótkim keledi", - dedi Joǵarǵy Sot janyndaǵy Sottardyń qyzmetin qamtamasyz etý departamenti basshysynyń orynbasary Eldos Jumaqsanov.
Ol sot júiesinde 2 286 sýdia men 6 015 memlekettik qyzmetshi jumys isteitinin naqtylap, prokýratýra qujatynda kim týraly aitylǵanyn túsindirdi.
"Áńgime 3 sýdia men 4 óńirdiń memlekettik qyzmetshileri týraly bolyp otyr. Sýdialar boiynsha. Olardyń biri 2020 jyly jumystan shyǵaryldy. Sot jiýrii ekinshi sýdiany basqa sebep boiynsha qyzmetinen bosatýdy usyndy. Úshinshi sýdia 2021 jyly sot tóreliginiń sapasy jónindegi komissiia usynysy boiynsha Almaty sotynan aýyldyq jerlerdegi aýdandyq sotqa eń az júktememen aýystyryldy.
Osy derek boiynsha sýdianyń materialdary sýdialyq ádep jónindegi komissiianyń qaraýyna beriledi. Sot júiesi kezdeisoq kelgen ári bul orynǵa laiyqsyz sýdialardan arylatyny anyq", - dedi Jumaqsanov.
Ol memlekettik qyzmetshilerge qatysty aityp, sot júiesiniń bir qyzmetkeri 2021 jyly óz erkimen jumystan shyqqanyn, al qalǵandaryna qatysty qyzmettik tergeýler bastalǵanyn túsindirdi.
Eske salaiyq, Almaty oblysynyń prokýratýrasy kazino men oiyn avtomattary zaldaryna tekseris júrgizip, 305 sheneýnik kazinoǵa 507 million teńge jumsaǵanyn anyqtaǵan edi.
Olardyń arasynda:
- Ishki ister ministrligi - 97;
- Qorǵanys ministrligi - 95;
- Qarjy ministrligi - 25;
- Joǵarǵy Sot - 7;
- Qarjy monitoringi agenttikteri - 15;
- Sybailas jemqorlyqqa qarsy is-qimyl agenttigi - 3;
- ákimdikter - 36;
- ózge memlekettik organdar - 27.
