جوعارعى سوت ٶكٸلٸ الماتى وبلىسى پروكۋراتۋراسىنىڭ كازينو ويناعان سۋديالار تۋرالى قۇجاتىنا قاتىستى پٸكٸر بٸلدٸردٸ, - دەپ حابارلايدى Massaget.kz.
"ەلەۋمەتتٸك جەلٸلەردە تارالعان الماتى وبلىسى پروكۋراتۋراسىنىڭ حاتىنا قاتىستى ايتار بولساق, جوعارعى سوتتىڭ 7 ٶكٸلٸنٸڭ ويىن مەكەمەلەرٸنە بارۋى تۋرالى اقپارات شىندىققا جاناسپايدى. بٸز الماتى وبلىسىنىڭ پروكۋراتۋراسىنا حابارلاسىپ, وسى قاتەنٸ تٷزەتۋدٸ سۇرادىق. جوعارعى سوتتىڭ سۋديالارى دا, جوعارعى سوت اپپاراتىنىڭ قىزمەتكەرلەرٸ دە بۇل تٸزٸمدە جوق ەكەنٸن تاعى دا اتاپ ٶتكٸم كەلەدٸ", - دەدٸ جوعارعى سوت جانىنداعى سوتتاردىڭ قىزمەتٸن قامتاماسىز ەتۋ دەپارتامەنتٸ باسشىسىنىڭ ورىنباسارى ەلدوس جۇماقسانوۆ.
ول سوت جٷيەسٸندە 2 286 سۋديا مەن 6 015 مەملەكەتتٸك قىزمەتشٸ جۇمىس ٸستەيتٸنٸن ناقتىلاپ, پروكۋراتۋرا قۇجاتىندا كٸم تۋرالى ايتىلعانىن تٷسٸندٸردٸ.
"ەڭگٸمە 3 سۋديا مەن 4 ٶڭٸردٸڭ مەملەكەتتٸك قىزمەتشٸلەرٸ تۋرالى بولىپ وتىر. سۋديالار بويىنشا. ولاردىڭ بٸرٸ 2020 جىلى جۇمىستان شىعارىلدى. سوت جيۋريٸ ەكٸنشٸ سۋديانى باسقا سەبەپ بويىنشا قىزمەتٸنەن بوساتۋدى ۇسىندى. ٷشٸنشٸ سۋديا 2021 جىلى سوت تٶرەلٸگٸنٸڭ ساپاسى جٶنٸندەگٸ كوميسسييا ۇسىنىسى بويىنشا الماتى سوتىنان اۋىلدىق جەرلەردەگٸ اۋداندىق سوتقا ەڭ از جٷكتەمەمەن اۋىستىرىلدى.
وسى دەرەك بويىنشا سۋديانىڭ ماتەريالدارى سۋديالىق ەدەپ جٶنٸندەگٸ كوميسسييانىڭ قاراۋىنا بەرٸلەدٸ. سوت جٷيەسٸ كەزدەيسوق كەلگەن ەرٸ بۇل ورىنعا لايىقسىز سۋديالاردان ارىلاتىنى انىق", - دەدٸ جۇماقسانوۆ.
ول مەملەكەتتٸك قىزمەتشٸلەرگە قاتىستى ايتىپ, سوت جٷيەسٸنٸڭ بٸر قىزمەتكەرٸ 2021 جىلى ٶز ەركٸمەن جۇمىستان شىققانىن, ال قالعاندارىنا قاتىستى قىزمەتتٸك تەرگەۋلەر باستالعانىن تٷسٸندٸردٸ.
ەسكە سالايىق, الماتى وبلىسىنىڭ پروكۋراتۋراسى كازينو مەن ويىن اۆتوماتتارى زالدارىنا تەكسەرٸس جٷرگٸزٸپ, 305 شەنەۋنٸك كازينوعا 507 ميلليون تەڭگە جۇمساعانىن انىقتاعان ەدٸ.
ولاردىڭ اراسىندا:
- ٸشكٸ ٸستەر مينيسترلٸگٸ - 97;
- قورعانىس مينيسترلٸگٸ - 95;
- قارجى مينيسترلٸگٸ - 25;
- جوعارعى سوت - 7;
- قارجى مونيتورينگٸ اگەنتتٸكتەرٸ - 15;
- سىبايلاس جەمقورلىققا قارسى ٸس-قيمىل اگەنتتٸگٸ - 3;
- ەكٸمدٸكتەر - 36;
- ٶزگە مەملەكەتتٸك ورگاندار - 27.
