Foto: pexels.com
Mektepterde oramal taǵýǵa tyiym salý týraly sheshimniń kúshi joiylǵan joq. Bul týraly Joǵarǵy sottyń baspasóz qyzmeti málim etti, dep habarlaidy Ult.kz.
"Buqaralyq aqparat quraldarynyń jariialanymdarynda jáne áleýmettik jelilerde Joǵarǵy Sot mektepterde oramal taǵýdy zańdy dep tapty degen jalǵan aqparat taralýda. Isti qaraý aiasynda Joǵarǵy Sottyń ákimshilik ister jónindegi sot alqasy bilim berý mekemesinde oramal taǵýdyń zańdylyǵy jónindegi máseleni talqylaýǵa aralaspaǵan", - delingen habarda.
Iste kassatsiialyq saty mekteptiń oqýshyny sabaqqa jibermeýin zańsyz dep tanyǵan, óitkeni bilim alý quqyǵy Qazaqstan Respýblikasy azamattarynyń negizgi konstitýtsiialyq quqyqtarynyń biri ekeni aitylady.
Sonymen qatar beiindi ministrlikte orta bilim berý uiymdary úshin mindetti mektep formasyna qoiylatyn talaptardy bekitý jónindegi ókilettikter bar. Ministrdiń tiisti buiryǵy zańsyz dep tanylmaǵan jáne kúshi joiylmaǵan.
"Sondai-aq, ata-analar mektep jarǵysy men mektep formasyna qoiylatyn talaptardy saqtaý mindetine jaýapty ekenin atap ótemiz. Bul rette ata-analardyń balalardy tárbieleý men bilim berý, olardyń quqyqtary men múddelerin qorǵaý jónindegi ózderine alǵan jáne zańda belgilengen, onyń ishinde Ákimshilik quqyq buzýshylyq týraly kodekste kózdelgen mindetterdi oryndamaýy jaýaptylyqqa ákep soǵady", - delingen habarda.
