Qairat Jamalievtiń ótinishin teksergen kassatsiialyq instantsiia zardap shekken Álibi Jumaǵulovtyń pikirin eskere otyryp, úkimdi qaita qarady, dep habarlaidy "Ult aqparat" Tengrinews.kz portalyna silteme jasap.
Munyń aldynda QR Bas prokýratýrasy Jamalievtiń bokspalaý áreketi asa iri kólemnen jeńildeý qylmys retinde iri kólemge aýystyrylǵanyn túsindirgen.
"Qairat Jamalievke sońǵy sheshim boiynsha 7 jyl taǵaiyndaldy, ol jazasyn ortasha tártiptegi koloniiada óteidi. Istiń ózge tustary boiynsha sot aktileri ózgerissiz qaldy. Protsessýaldyq zańnamanyń talaptaryna sai is jabyq sot otyrysynda qaraldy", - deidi Joǵarǵy sot ókilderi.
Sonymen qatar, Jamalievtiń merzimine deiin bosap shyǵý múmkindigi týraly BAQ-ta jariialanǵan aqparat negissiz jáne boljam ǵana ekeni aitylǵan.
Eske salaiyq, munyń aldynda advokat Djohar Ótebekov osy is boiynsha zardap shegýshi Álibi Jumaǵulov biznesmenniń jazasyn jeńildetýdi suraǵanyn habarlaǵan.
Álibi Jumaǵulov Joǵary sottan Jamalievtiń jazasyn jeńildetýdi surady. Mine osylai. (Onyń bergen suhbatynan alynǵan sóz: - Qairat Jamalievti keshirýge daiynsyz ba? - Joq!). Aqyry bopsalaý boiynsha merzim 10 jyldan 7 jylǵa qysqardy. Bul sońǵy sheshim ("Vremia" gazeti jazǵandai 6 jyl emes). Jazasyn óteitin koloniia qatań tártipten jalpyǵa aýystyryldy. Al, bul - Jamaliev basqa koloniiaǵa aýystyrylady degen sóz. Al basqa koloniiaǵa aýystyrý nemese jazany aiyppulǵa aýystyrý týraly ótinishti ol kúz basynda (2 jyl 4 aiyn ótegen soń) surai alady.
Eske salaiyq, 46 jastaǵy astanalyq biznesmen Qairat Jamaliev Álibi Jumaǵulovty soqqyǵa jyqqany úshin múlki tárkilene otyryp, 13 jylǵa bas bostandyǵynan aiyrylǵan bolatyn. Jumaǵulovqa zorlyq kórsetkenin biznesmen telefon kamerasyna túsirip, keiin onyń ata-anasyna joldaǵan. Bul kadrlar Ǵalamtorda paida bolǵannan keiin is boiynsha qoǵamda úlken daý týdy.
