Jitiqaradaǵy janarmai quiý beketiniń qyzmetkeri politsiiaǵa telefon soǵyp, belgisiz er adamnyń kassadan aqsha urlap ketkenin aitqan. Tergeý barysynda tonaý bolmaǵany anyqtaldy, - dep habarlaidy Massaget.kz portaly "Nasha gazeta" basylymyna silteme jasap.
Politseilerdiń málimetinshe, áiel belgisiz bireýdiń qorqytyp, kassadan 600 000 teńge alyp ketkenin aitqan.
"Oqiǵa ornyn tekserip, janar-jaǵarmai quiý stantsiiasynyń operatorynan jaýap alý kezinde politseiler berilgen aqparattyń rastyǵyna kúmán keltirgen. Keiinirek áiel bul qylmysty aqsha jymqyrý maqsatynda uiymdastyrylǵanyn moiyndaǵan", - dedi Qostanai oblystyq politsiia basqarmasynyń bastyǵy Erlan Omarbekov Facebook-paraqshasynda.
Vedomstvo málimetinshe, jábirlenýshige qatysty "Jalǵan aqparat taratý" baby boiynsha sotaldy tergeý bastalǵan.
