Qostanai oblysynda tártip saqshysyna qol jumsaǵan buzaqy qamaýǵa alyndy, dep habarlaidy "Ult aqparat" oblystyq politsiia departamenti baspasóz qyzmetine silteme jasap.
Oqiǵa 7 tamyz kúni Jitiqara aýdanynda bolǵan. Tártip saqshylary Aldanysh Berdenov pen Ábsaǵit Esmuhambetov saǵat túngi 03:20 shamasynda shaǵyn aýdandardyń birindegi shaqyrtýǵa shyǵady.
«Politseiler shaqyrý túsken orynǵa kelip, úidiń aldynda syra iship otyrǵan 6 er adamdy kóredi. Olar túngi ýaqyttaǵy tynyshtyqty buzǵandardy «ÝAZ» avtokóligine otyrǵyzbaq bolady. Kólikke mingen soń er adamdardyń biri tártip saqshysyna soqqy jasaidy. Alaida politsei 43 jastaǵy buzaqyny áskeri ádistiń kómegimen toqtatyp, qolyna kisen salady. Qyzmettik mindetterin atqarý kezinde júrgen patrýldik politsiia vzvod qyzmetiniń inspektoryna qatysty kúsh qoldaný faktisi boiynsha qylmystyq kodekstiń 380-baby 1-bóligimen sotqa deiingi tergeý bastaldy», - delingen politsiianyń aqparatynda.
Al qoǵamdyq tynyshtyqty buzǵan qalǵan 5 er adamǵa ákimshilik aiyppul salynyp, hattama toltyryldy.
