قوستاناي وبلىسىندا تەرتٸپ ساقشىسىنا قول جۇمساعان بۇزاقى قاماۋعا الىندى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸ باسپاسٶز قىزمەتٸنە سٸلتەمە جاساپ.
وقيعا 7 تامىز كٷنٸ جٸتٸقارا اۋدانىندا بولعان. تەرتٸپ ساقشىلارى الدانىش بەردەنوۆ پەن ەبساعيت ەسمۇحامبەتوۆ ساعات تٷنگٸ 03:20 شاماسىندا شاعىن اۋدانداردىڭ بٸرٸندەگٸ شاقىرتۋعا شىعادى.
«پوليتسەيلەر شاقىرۋ تٷسكەن ورىنعا كەلٸپ, ٷيدٸڭ الدىندا سىرا ٸشٸپ وتىرعان 6 ەر ادامدى كٶرەدٸ. ولار تٷنگٸ ۋاقىتتاعى تىنىشتىقتى بۇزعانداردى «ۋاز» اۆتوكٶلٸگٸنە وتىرعىزباق بولادى. كٶلٸككە مٸنگەن سوڭ ەر ادامداردىڭ بٸرٸ تەرتٸپ ساقشىسىنا سوققى جاسايدى. الايدا پوليتسەي 43 جاستاعى بۇزاقىنى ەسكەري ەدٸستٸڭ كٶمەگٸمەن توقتاتىپ, قولىنا كٸسەن سالادى. قىزمەتتٸك مٸندەتتەرٸن اتقارۋ كەزٸندە جٷرگەن پاترۋلدٸك پوليتسييا ۆزۆود قىزمەتٸنٸڭ ينسپەكتورىنا قاتىستى كٷش قولدانۋ فاكتٸسٸ بويىنشا قىلمىستىق كودەكستٸڭ 380-بابى 1-بٶلٸگٸمەن سوتقا دەيٸنگٸ تەرگەۋ باستالدى», - دەلٸنگەن پوليتسييانىڭ اقپاراتىندا.
ال قوعامدىق تىنىشتىقتى بۇزعان قالعان 5 ەر ادامعا ەكٸمشٸلٸك ايىپپۇل سالىنىپ, حاتتاما تولتىرىلدى.
