Foto: t.me/mazhilis_kz
Májilis tóraǵasy Erlan Qoshanov depýtat Jigýli Dairabaevtyń tóńiregindegi daýdan keiin jariialanǵan petitsiiaǵa qatysty pikir bildirdi, dep habarlaidy Sputnik Qazaqstan.
Jýyrda májilismen Dairabaevtyń mandatyn qaitaryp alýdy talap etken petitsiia jariialandy. Oǵan depýtattyń jemqorlyq úshin shartty túrde sottalǵan uldary men jer daýy sebep bolyp otyr.
"Dairabaevqa keletin bolsaq, depýtattyń tikelei ózine qatysty zańdy másele týyndap turǵan joq. Balalaryna qatysty másele bar. Endi el aldynda júrgen azamat bolǵandyqtan, depýtattyń balalary, týysqandary barlyǵy ashyq keńistikte ǵoi. Barlyǵyn mikroskoppen qarap otyrady. Sondyqtan árbir shalt basqan qadamy jariia bolady", - deidi Qoshanov Májilis kýlýarynda jýrnalister suraǵyna jaýap berip.
Spiker eger zańbuzýshylyq Jigýli Dairabaevtyń tarapynan jasalsa, eń aldymen "Aýyl" partiiasy sheshim qabyldaýy kerek dep esepteidi.
Osy oraida jýrnalister Májilistiń repýtatsiiasyna ziian kelmei me dep surady.
"Ziian keltirmeidi dep sanaimyn", - dep qysqa qaiyrdy Qoshanov.
Eske salsaq, sáýir aiynyń basynda Tarazda Májilistiń qazirgi depýtaty Jigýli Dairabaevtyń uldaryna qatysty sot úkimi shyqty. Dairabaevtyń uldary Didar Moldahalyq pen Marat Dairabaev 550 mln teńge sýbsidiiany urlady dep aiyptaldy. Ekeýi shartty túrde 5 jylǵa sottaldy.
Osydan keiin depýtat Jigýli Dairabaev balalarynyń kinási joq ekenin jáne Májilisten ketpeitinin málimdedi.
