فوتو: t.me/mazhilis_kz
مەجٸلٸس تٶراعاسى ەرلان قوشانوۆ دەپۋتات جيگۋلي دايراباەۆتىڭ تٶڭٸرەگٸندەگٸ داۋدان كەيٸن جارييالانعان پەتيتسيياعا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
جۋىردا مەجٸلٸسمەن دايراباەۆتىڭ مانداتىن قايتارىپ الۋدى تالاپ ەتكەن پەتيتسييا جارييالاندى. وعان دەپۋتاتتىڭ جەمقورلىق ٷشٸن شارتتى تٷردە سوتتالعان ۇلدارى مەن جەر داۋى سەبەپ بولىپ وتىر.
"دايراباەۆقا كەلەتٸن بولساق, دەپۋتاتتىڭ تٸكەلەي ٶزٸنە قاتىستى زاڭدى مەسەلە تۋىنداپ تۇرعان جوق. بالالارىنا قاتىستى مەسەلە بار. ەندٸ ەل الدىندا جٷرگەن ازامات بولعاندىقتان, دەپۋتاتتىڭ بالالارى, تۋىسقاندارى بارلىعى اشىق كەڭٸستٸكتە عوي. بارلىعىن ميكروسكوپپەن قاراپ وتىرادى. سوندىقتان ەربٸر شالت باسقان قادامى جارييا بولادى", - دەيدٸ قوشانوۆ مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
سپيكەر ەگەر زاڭبۇزۋشىلىق جيگۋلي دايراباەۆتىڭ تاراپىنان جاسالسا, ەڭ الدىمەن "اۋىل" پارتيياسى شەشٸم قابىلداۋى كەرەك دەپ ەسەپتەيدٸ.
وسى ورايدا جۋرناليستەر مەجٸلٸستٸڭ رەپۋتاتسيياسىنا زييان كەلمەي مە دەپ سۇرادى.
"زييان كەلتٸرمەيدٸ دەپ سانايمىن", - دەپ قىسقا قايىردى قوشانوۆ.
ەسكە سالساق, سەۋٸر ايىنىڭ باسىندا تارازدا مەجٸلٸستٸڭ قازٸرگٸ دەپۋتاتى جيگۋلي دايراباەۆتىڭ ۇلدارىنا قاتىستى سوت ٷكٸمٸ شىقتى. دايراباەۆتىڭ ۇلدارى ديدار مولداحالىق پەن مارات دايراباەۆ 550 ملن تەڭگە سۋبسيدييانى ۇرلادى دەپ ايىپتالدى. ەكەۋٸ شارتتى تٷردە 5 جىلعا سوتتالدى.
وسىدان كەيٸن دەپۋتات جيگۋلي دايراباەۆ بالالارىنىڭ كٸنەسٸ جوق ەكەنٸن جەنە مەجٸلٸستەن كەتپەيتٸنٸن مەلٸمدەدٸ.
