Parij Olimpiadasynda besinshi oryn alǵan qazaqstandyq dziýdoshy Ábiba Ábýjaqynova qazir qandai kúide ekenin, mansabyn aiaqtaý týraly oiyn jáne turmys qurýǵa qatysty josparyn aitty, dep habarlaidy "Ult aqparat" QazAqparat agentigine silteme jasap.
Ábiba Ábýjaqynova Olimpiadada qola júlde úshin beldesýde shvetsiialyq Tara Babýlfattan jeńilip, 5-orynǵa taban tiregen edi. Qazaqstandyq sportshy qazir qandai kúide ekenin aitty.
"Ýaqyttyń jazbaityn jarasy joq" dep jatýshy edi ǵoi. Áreń degende óz-ózime kelip qaldym. Dese de ishimdi áli de ókinish oty jandyryp, kúidirip tur. Biraq qaidan, qalai jyǵyldym, sol jerden qaita solai turýǵa sert ettim ózime", - dedi Ábiba.
Qazaqstandyq dziýdoshy Parijde júldeger atansa, mansabyn aiaqtaýdy oilaǵanyn málimdedi.
"Dziýdodan qazaq qyzdary arasynda men tuńǵysh ret álem chempionatynyń júldegeri atandym. Olimpiada oiyndarynda da týra solai alǵashqy qazaq qyzy bolǵym kelgen. Ókinishke qarai Parijde ol múmkindik ustatpai ketti. Biraq bári bir sol armanǵa, sol maqsatqa qol jetkizbei toqtamaimyn dep bel býyp otyrmyn. Los-Andjelestiń aýyly da alys emes. Áne-mine degenshe olda kelip qalady", - dedi Ábiba.
Sondai-aq Ábýjaqynova turmys qurýǵa qatysty josparyn da aitty.
"Negizi osy Olimpiadada sol armanym oryndalǵanda mindetti túrde bolashaq jarymdy taýyp, turmysqa shyǵyp, besigimdi terbetip úide otyrǵym kelgen. Osy joly jeńilip qalǵannan keiin ol oiymnan ainyp qaldym. Qazir jigitim de joq. Eger meni túsinip, 2028 jylǵy Olimpiadaǵa deiin kútemin degen azamat bolsa, turmysqa shyǵýǵa daiynmyn", - dedi qazaqstandyq sportshy.
