پاريج وليمپياداسىندا بەسٸنشٸ ورىن العان قازاقستاندىق دزيۋدوشى ەبيبا ەبۋجاقىنوۆا قازٸر قانداي كٷيدە ەكەنٸن, مانسابىن اياقتاۋ تۋرالى ويىن جەنە تۇرمىس قۇرۋعا قاتىستى جوسپارىن ايتتى, دەپ حابارلايدى "ۇلت اقپارات" قازاقپارات اگەنتٸگٸنە سٸلتەمە جاساپ.
ەبيبا ەبۋجاقىنوۆا وليمپيادادا قولا جٷلدە ٷشٸن بەلدەسۋدە شۆەتسييالىق تارا بابۋلفاتتان جەڭٸلٸپ, 5-ورىنعا تابان تٸرەگەن ەدٸ. قازاقستاندىق سپورتشى قازٸر قانداي كٷيدە ەكەنٸن ايتتى.
"ۋاقىتتىڭ جازبايتىن جاراسى جوق" دەپ جاتۋشى ەدٸ عوي. ەرەڭ دەگەندە ٶز-ٶزٸمە كەلٸپ قالدىم. دەسە دە ٸشٸمدٸ ەلٸ دە ٶكٸنٸش وتى جاندىرىپ, كٷيدٸرٸپ تۇر. بٸراق قايدان, قالاي جىعىلدىم, سول جەردەن قايتا سولاي تۇرۋعا سەرت ەتتٸم ٶزٸمە", - دەدٸ ەبيبا.
قازاقستاندىق دزيۋدوشى پاريجدە جٷلدەگەر اتانسا, مانسابىن اياقتاۋدى ويلاعانىن مەلٸمدەدٸ.
"دزيۋدودان قازاق قىزدارى اراسىندا مەن تۇڭعىش رەت ەلەم چەمپيوناتىنىڭ جٷلدەگەرٸ اتاندىم. وليمپيادا ويىندارىندا دا تۋرا سولاي العاشقى قازاق قىزى بولعىم كەلگەن. ٶكٸنٸشكە قاراي پاريجدە ول مٷمكٸندٸك ۇستاتپاي كەتتٸ. بٸراق بەرٸ بٸر سول ارمانعا, سول ماقساتقا قول جەتكٸزبەي توقتامايمىن دەپ بەل بۋىپ وتىرمىن. لوس-اندجەلەستٸڭ اۋىلى دا الىس ەمەس. ەنە-مٸنە دەگەنشە ولدا كەلٸپ قالادى", - دەدٸ ەبيبا.
سونداي-اق ەبۋجاقىنوۆا تۇرمىس قۇرۋعا قاتىستى جوسپارىن دا ايتتى.
"نەگٸزٸ وسى وليمپيادادا سول ارمانىم ورىندالعاندا مٸندەتتٸ تٷردە بولاشاق جارىمدى تاۋىپ, تۇرمىسقا شىعىپ, بەسٸگٸمدٸ تەربەتٸپ ٷيدە وتىرعىم كەلگەن. وسى جولى جەڭٸلٸپ قالعاننان كەيٸن ول ويىمنان اينىپ قالدىم. قازٸر جٸگٸتٸم دە جوق. ەگەر مەنٸ تٷسٸنٸپ, 2028 جىلعى وليمپياداعا دەيٸن كٷتەمٸن دەگەن ازامات بولسا, تۇرمىسقا شىعۋعا دايىنمىن", - دەدٸ قازاقستاندىق سپورتشى.
