Jezókshelik pritony bar qylmyskerdi qoldap, oǵan «qamqorlyq» kórsetýden aqsha tapqan aqtaýlyq politsei 12 jylǵa sottaldy, dep habarlaidy QazAqparat.
«Mańǵystaý oblystyq sotynyń qylmystyq ister jónindegi mamandandyrylǵan aýdanaralyq soty Aqtaý qalalyq politsiia basqarmasy Jedel-kriminaldyq bólimshesiniń jedel ýákili D.Aibekovke úkim shyǵardy. Sot sheshimine sáikes, burynǵy politsiia qyzmetkeri 12 jylǵa bas bostandyǵynan aiyryldy», - dedi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov onlain baspasóz máslihatynda.
Onyń aitýynsha, sottalǵan politsei óziniń qyzmettik jaǵdaiyn paidalanǵan. Naqtyraq aitqanda, qylmystyq top basshysyna jezókshelikpen ainalysý jáne jeńgetailyq úshin pritondar uiymdastyrýǵa, qyzmetin qamtamasyz etýge «qamqorlyq» kórsetken. Odan 3 mln teńge mólsherinde aqsha qarajatyn aldy degen kúdikke ilingen.
