Foto: ashyq derekkóz
Úkimet Ulytaý oblysy Jezqazǵan qalasynyń jylý jelilerin rekonstrýktsiialaý jáne jańǵyrtý jobasyn júzege asyrý úshin rezervten 2,8 mlrd teńgeden astam qarjy bóldi. Premer-ministr Oljas Bektenov tiisti qaýlyǵa qol qoidy, dep habarlaidy Ult.kz.
Jezqazǵan qalasy jylý jelileriniń uzyndyǵy 398 shaqyrymdy quraidy. Nysan 1951 jyly paidalanýǵa berilgen, tozýy – 56,6%. Jylý jelileri tsehynda 1969 jyly iske qosylǵan 8 sorǵy stansasy bar. Jylytý maýsymynda jylý jelileriniń tozýy jylýmen qamtýǵa keri áserin tigizýde. Resýrstardyń aitarlyqtai shyǵyny orta eseppen 35-40%-ǵa jetedi, bul qoldanystaǵy jáne salynyp jatqan nysandardy jylý jelilerine qosýǵa múmkindik bermeidi.
Qalanyń keńeiýin jáne salynyp jatqan jańa Batys aýdanyn jylýmen qamtamasyz etý qajettiligin eskere otyryp, bastapqy joba túzetildi: qubyrlardyń diametri 800 mm-den 1000 mm-ge deiin, al rekonstrýktsiialaýǵa jatatyn jelilerdiń uzyndyǵy 11,4 shaqyrymnan 12,3 shaqyrymǵa deiin ulǵaityldy.
Úkimet rezervinen bólingen 2,8 mlrd teńge jobany aiaqtaýǵa jáne 98 myńnan astam turǵyny bar qalanyń jylý jelilerin sapaly daiyndaýǵa múmkindik beredi.
