فوتو: اشىق دەرەككٶز
ٷكٸمەت ۇلىتاۋ وبلىسى جەزقازعان قالاسىنىڭ جىلۋ جەلٸلەرٸن رەكونسترۋكتسييالاۋ جەنە جاڭعىرتۋ جوباسىن جٷزەگە اسىرۋ ٷشٸن رەزەرۆتەن 2,8 ملرد تەڭگەدەن استام قارجى بٶلدٸ. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى, دەپ حابارلايدى Ult.kz.
جەزقازعان قالاسى جىلۋ جەلٸلەرٸنٸڭ ۇزىندىعى 398 شاقىرىمدى قۇرايدى. نىسان 1951 جىلى پايدالانۋعا بەرٸلگەن, توزۋى – 56,6%. جىلۋ جەلٸلەرٸ تسەحىندا 1969 جىلى ٸسكە قوسىلعان 8 سورعى ستانساسى بار. جىلىتۋ ماۋسىمىندا جىلۋ جەلٸلەرٸنٸڭ توزۋى جىلۋمەن قامتۋعا كەرٸ ەسەرٸن تيگٸزۋدە. رەسۋرستاردىڭ ايتارلىقتاي شىعىنى ورتا ەسەپپەن 35-40%-عا جەتەدٸ, بۇل قولدانىستاعى جەنە سالىنىپ جاتقان نىسانداردى جىلۋ جەلٸلەرٸنە قوسۋعا مٷمكٸندٸك بەرمەيدٸ.
قالانىڭ كەڭەيۋٸن جەنە سالىنىپ جاتقان جاڭا باتىس اۋدانىن جىلۋمەن قامتاماسىز ەتۋ قاجەتتٸلٸگٸن ەسكەرە وتىرىپ, باستاپقى جوبا تٷزەتٸلدٸ: قۇبىرلاردىڭ ديامەترٸ 800 مم-دەن 1000 مم-گە دەيٸن, ال رەكونسترۋكتسييالاۋعا جاتاتىن جەلٸلەردٸڭ ۇزىندىعى 11,4 شاقىرىمنان 12,3 شاقىرىمعا دەيٸن ۇلعايتىلدى.
ٷكٸمەت رەزەرۆٸنەن بٶلٸنگەن 2,8 ملرد تەڭگە جوبانى اياقتاۋعا جەنە 98 مىڭنان استام تۇرعىنى بار قالانىڭ جىلۋ جەلٸلەرٸن ساپالى دايىنداۋعا مٷمكٸندٸك بەرەدٸ.
