Jezqazǵan mańynda zymyran qirandysy qulaǵan jerde bir adam kúiik shalyp, qaza tapty, - dep habarlaidy kaz.tengrinews.kz QR IIM TJK resmi ókili Rýslan Imanqulovqa silteme jasap.
Imanqulovtyń habaryna qaraǵanda, 14 maýsymda saǵat 18.04-te Qaraǵandy oblystyq TJD Órt sóndirý jáne apat-qutqarý qyzmetine Jezqazǵan qalalyq TJB-den ońtústik-batys baǵytqa qarai 20 shaqyrym jerde ornalasqan Talap aýylynda "Baiqońyr" ǵarysh ailaǵynan qulaidy dep josparlanǵan aimaqqa "Soiýz-2.1a" zymyran tasyǵyshynyń "Progress MS-06" ǵarysh kemesiniń ajyratylatyn bóligi qulaýynan dalada órt shyqqany jaily habar túsken.
"Oqiǵa ornynda RF "Mashinostroenie" ǵylymi óndiristik birlestigi" áskeri óndiristik korporatsiiasy AQ №1 Bazasynyń 5 dana tehnikasy jumys istep jatyr, taǵy 3 dana tehnika tartylady, qomsymsha kómek qajet emes", - delingen habarlamada.
Sonymen qatar, Qaraǵandy oblystyq TJD Órt sóndirý jáne apat-qutqarý jumystary qyzmetteriniń №2 jasaǵynyń ortalyq pýnktine Talap aýylynyń turǵynynan Jezqazǵan - Qyzylorda tasjolynyń mańyndaǵy dalada órt shyqqany jaily habar túsken.
Osy habarlama boiynsha saǵat 19.27-de Órt sóndirý qyzmetiniń kezekshi aýysymyndaǵy kúshterdi jóneltý týraly sheshim qabyldanǵan. Oqiǵa orny shamamen 40 shaqyrymda boldy.
"Oqiǵa ornynda Talap aýylynan 16 shaqyrym jerde Jezqazǵan - Qyzylorda tasjolynyń ońtústiginde 15 shaqyrymǵa sozylǵan jerdiń órtenip jatqany anyqtaldy, tasjoldyń boiynda qoiý tútin shyqty, órttiń aýmaǵy belgisiz boldy, ońtústik-batystan soqqan jeldiń óti sekýndyna 15-20 metrge jetken. Keiin josparly túrde sóndirý boiynsha sharalar qabyldandy", - dep habarlady TJK ókilderi.
Órttiń saldarynan zymyran tasyǵyshtarynyń bólikterin jinaý boiynsha jumys atqaryp júrgen 1964 jylǵy azamat kúiik shalyp, qaza tapty, taǵy bir 1968 jylǵy azamat aýrýhanaǵa jetkizilgen.
Órtti sóndirýge 61 adam jáne tehnikanyń 22 danasy jumyldyrylǵan. Osylaisha órt 03.31-de sóndirilgen.
"Messendjerlerde zymyran tasyǵyshtyń ajyratylǵan bóliginde geptil bar degen málimet rastalmady", - dedi Rýslan Imanqulov.
