Biyl Qyzylorda men Jezqazǵan qalalaryn jalǵaityn uzyndyǵy 420 shaqyrymdyq joldyń qurylysy bastalady. Bul týraly QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Bul - óte ózekti másele. Búkil Qyzylorda oblysynyń, Qazaqstannyń ońtústiginiń turǵyndary osy joldyń ashylýyn kútip júr. Jezqazǵan-Qyzylorda jolynyń uzyndyǵy 420 shaqyrymdy quraidy. Jobalyq barlyq qujaty daiyn, úilestirý keńesinen óttik. Qarjylandyrý institýttarymen qarjylandyrý máselesin kelistik. Biyl osy joldyń qurylysyn bastaýdy josparlap otyrmyz. Shynymen de bul jol Keńes zamanynda, 70-shy jyldary salynǵan. Qyzylorda men Jezqazǵandy jalǵaityn bul jol jaramsyz bolyp qaldy desek te artyq emes. 3,5 jyldyń ishinde joldy salyp shyǵýdy kózdep otyrmyz. Sol kezde Qyzylordanyń, Ońtústik Qazaqstannyń turǵyndary osy qysqa jolmen júre alady», - dedi ministr Ortalyq kommýnikatsiialar qyzmetindegi baspasóz máslihatynda.
Sonymen qatar ol atalǵan joldyń áleýmettik-ekonomikalyq mańyzy zor ekendigin basa aitty.
«Qurylys jumystaryn osy jyly bastap ketemiz. Barlyǵy maquldanǵan», - dedi Beibit Atamqulov.
